A mio cunfina


Tunalità
0

Capo 0

G
S’è tù voli seguitammi, è marchjà à lu mio latu
C G D
Vogliu fatti fà un giru intrà Petra Ghjusta è Pratu
C G D G
Scuntrerai e vistiche chì l’antichi anu lacatu.

Orezza l’anu chjamata ricchezza di a natura
Pulmone di Cursichella, ‘ssu giardinu di virdura
U so castagnu frundutu li dava fruttu è friscura.

A curanu da quassù da la sera à la mane
U fieru San Petrone è a punta di e Caldane
Poi trà mezu ritruverai Callerucciu è e trè funtane.

Portati versu u mare, ripiglia u to caminu
Escerai in Arcarotta, à cruciacci u destinu
Di a pieve Alisgianinca chì si tene quì vicinu.

Prestu piglia l’attippata, pesati cum’è l’acellu
Per fà una rifiatata, fermati nù u Zuccarellu
Duve à un’epica andata, c’avianu fattu un castellu.

Appinuccia più luntanu a cima di l’Olimelli
Chì supranisce u compulu è i so dui caselli
Cullavanu l’estatina à stacci i pasturelli.

A cima di Cunconi induv'è tù passerai
I Busselli è po u Stollu da custì ci viderai
U paese di Fiuminale ch’hè un disertu oramai.

San Bartuli chì t’aspetta in fondu di sta falata
A so funtana chì corre, acqua fresca è dilicata
Spessu c’hè qualchì pastore à fatti una chjachjarata.

Da le cunfine orrezzinche scupertu ai ‘ssu cantone
Chì face batte u core è cresce ogni passione
Guardemu à ùn lascià more ‘ssu locu di tradizione.

Carl’Antò Guastalli

  • Fender FT-1 Pro Accordeur à Pince, Pour Guitares Electrique, Acoustiques & Basses, Noir
  • Takamine GC6CEB Black Gloss - Guitare Classique 4/4
  • D'Addario Corde Guitare Classique - Cordes Pro-Arte EJ45 - en nylon - Normale

Scrive un cummentu

  • Yamaha CX40II Guitares électro-acoustique classique 4/4 6 cordes Naturel