A dumanda in matrimoniu


Tunalità
0

Capo 0

F
Ùn sò più quandu ella hè stata
F
Seranu dui ò trè mesi
F7 Bb F
Cù la mio musetta à collu
C7 F F7
Nè pigliai li paesi
Bb F
Cù a scusa di circà moglia
C7 F
Senza avenne mancu voglia.

Mi colsi à lu mio summeracciu
Cù una ghjacchittaccia à collu
Un paghju di scarpacci in pede
In istaccia mancu un soldu
Cù u mio cappellacciu in capu
Tuttu rottu è affumicatu.

Quandu ne ghjunsi in Bravone
M’aressi per sente un pocu
Venni per fà cullazione
Pane ùn cù n’era in locu
S’ella dura à issa manera
Cresce cullaghja è spallera.

Ma dopu una stundarella
Chì in pazienza aspettava
M’affaccò una damicella
Caminendu ella purtava
Una paneruccia rotta
Ch’un paniolu chì affaccava.

Scusate o madamicella
Chì purtate in issa panera ?
À purtalla piatta ùn vale
Scumbattu cun mammapiera,
Sia puru pane orzinu
Acqua pura è micca vinu !

State à sente, o damicella
Ch’io v’indetti u mio casale
Vo vulete fà un capricciu
Cun mè ùn ci starete male
Aghju à fratellucci è à mamma
Di pane sò sempre in brama.

Aghju un bel pezzu d’olive
Bell’è dui muzziconi
Chì cuntrastanne ne possu,
In Balagna cù Ciattoni,
Ma a sera quand’eo mi chjingu
Marchju sempre à l’appasponi.

Aghju un pezzu di castagni
Ma sò tutti sgambunati
Chì pè a maladetta sorte
U ventu li m’hà struppiatu
La vi dicu è ùn mì vergognu
Di grata ùn aghju bisognu.

Aghju ancu la mio vignuccia
Ma in Iocu desertu
Quandu ella hè à maturazione
La difendu à campu apertu
Ma quandu n’aghju la sete
Per lu piu corgu à lu quartu.

M’aghju fattu una casuccia
Chì di scandule hè fasciata
Hè cuperta in terra rossa
L’aghju bella calpichjata
Perchè aghju l’intenzione
D’ùn stà più casa à pigione.

Ne pussedu una madia
À l’usu di le famiglie
Una panca per pusane
Un rotulu è trè buttiglie
Dunque la mio casa hè piena
Ùn ci manca ch’è a catena.
  • D'addario Accordeur de Guitare - PW-CT-17BK Éclipse - Clip On Tuner - Syntoniseur Éclipse Noir
  • Takamine GC3NAT - Guitare classique - Naturelle
  • D'Addario Corde Guitare Classique - Cordes Pro-Arte EJ45 - en nylon - Normale

Scrive un cummentu

  • Yamaha CX40II Guitares électro-acoustique classique 4/4 6 cordes Naturel