Muntagna chieta


Tunalità
0

Capo 0

G / D
Nu i mumenti più chieti
C / B7
Quand’ellu spunta l’albore
G / D
L’estru di centu pueti
C / B7
Versu a muntagna corre
C / G
Palesa i so sicreti
B7 / Em
È svela u so splundore

Sparghje u sole d’inguernu
A so dilicata fiara
È abbraccendu l’eternu
Si disceta l’alta sarra
Matrimoniu più serenu
Di u celu è di a tarra

Stende i so primi raggi
Intricciati di dulcezza
È si stinzanu i larci
Per gode ne a carezza
O per sente i so basgi
Calà si nantu a cresta

Ci porghje a zilifrina
Di Monte Cintu u fiatu
Trave l’aria marzulina
Sin’à Capu Tafunatu
Mentre u sole camina
Nu u celu spurgulatu

Ribombanu e terzine
Ch’elle cantanu e fate
Indu e valle turchine
È e punte innargintate
Altiere cum’è regine
Di neve incurunate

U sole chì si lamenta
Quandu lu ghjornu finisce
Per licinzià si lenta
Purpurine e so strisce
A muntagna s’addurmenta
Annannata da e spisce

Scrive un cummentu

A lu ghjornu spuntatu (2006)

Machja corsa 87
Muntagna chieta 78
Oddiu 79
Stirling Bridge 683
Tandu scrivu 85