Solu ind’u mio urticellu
Mim/Sim
Appughjatu à la mio zappa
Do/Sol/Re
Guardendu passà un acellu
Mim/Sim
Pensu à u tempu chì scappa
Do/Si7

Hè corsa la zitiddina
Mim/Sim
Com'è l’acqua à la funtana
Do/Sol/Re
Fresca pura è cristallina
Mim/Sim
Ma dighjà cusì luntana
Do/Re

Sò sfilati li vint’anni lascendu i so ramenti
Sol/Re/Mim/Do
Tempi di gioia è d’affanni, tempi di canti è di pienti
Sol/Re/Do/Sol/Re
Hè sunatu lu meziornu à u ruloghju di a vita  
Sol/Re/Mim/Do
E sfiere anu fattu u tornu
Sol/Re
Di a ghjuventù finita
Do/Si7/Mim

Dopu venerà a sera
Cù e so stonde dulente
Com'è u lume di lumera
Trema à u primu currente

È po cascarà a notte
Com'è un mantellu d'acciaghju
Cusì ci appronta la sorte
À fà l'ultimu viaghju

Ùn abbia furia o Falcina
Di vulè fà a cugliera
Chì la to falce mischina
Ùn voglia piantà la sfiera

Lascia sempre batte l'ore
Ùn mi parlà più di danni
Certi ghjorni aghju lu core
D'un zitellu di vint'anni