Bonghjornu à tutti !!
A lingua Corsa si mori, si taci pocu à pocu è chì femu ?? Nudda !!
Alora circhemu insembu par fà qualcosa, pinsaiu à crià un'associu, indù impararemu a cultura di u cantu è a lingua noscia à quiddi ch'ùn sani micca !! Una spezzia di "scola" si voi vuleti ...
Forsa u travaddu ci hè, ma cusì ripiddaremu a noscia indantità, pudaremu parlà u corsu in igna locu è micca in casa solamenti.
Par quiddi chì sò pronti à aiutammi in 'ssu travaddu è da crià un'associu par aiutà l'avvena è salvà i nosci culturi, mandeti mi puru u vosciu missaghju !!
A bona ghjurnata à tutti cari amici di cantu !!
U sangui di u me spiritu, hè a me lingua ...
Eccu una bunissima iniziativa!
Tutti, avemu 'ssu duveri di purtà una petra à a salvezza di a noscia lingua, è un associu pudaria custituiscia un bellu vettori d'amparera è soprattuttu di sparghjera di 'ssa lingua!
Dunqua, saria bè chì tutti quiddi intarissati da stu prughjettu lampessini u so parè, è dessini u so aiutu pà sta lingua è sta cultura chì sò nosci!!
Infini una risposta è di più chì mi pari sincera è di qualchissia chì capisci u sensu di u me missaghju !! 🙂
Ma una risposta sola ùn ci basta micca !! Spergu truvà parechji parsonni in igna locu di a Corsica sana par crià st'associu, tutti quiddi chì vulani imparà è imparà, ( forsa aveti capitu 🙂 ) chì sò pronti à chjamà la ghjenti in altrò ghjustu par u fattu di sparta a noscia cultura è a noscia lingua, mandeti puru u vosciu missaghju o i vosci ideii, è insembu ni parlaremu par truvà u meddu par a salvezza di a noscia idantità !!
Aghju pruvatu à chjamà u mondu à nant'à issu situ parchì canteti tutti, suneti di ghitarra, dunqua pensu chì vo' seti pronti a tramandà sti fatti quì ... E par noi, un bisognu, è ùn vi ni scurdeti micca chì u bisognu insegna l'arti !!
U sangui di u me spiritu, hè a me lingua ...
Vecu ch'ùn ci hè sempri nimu ....
Piccatu ...
U sangui di u me spiritu, hè a me lingua ...
Un c'hè manc'una raghjioni d'essa vargugnosu par salvà a noscia lingua è i nosci culturi !!
Piddeti u tempu di rifletta, insembu pudemu fà qualcosa di bè da i nosci generazioni à vena, senza sta lingua ùn semu più nudda, senza una cultura, ùn saremu micca ciò chè no' semu oghji !!
"Eiu socu a lingua Corsa, ùn voddu micca mora
Socu a lingua materna di li vosci antinati
Parchì à tempu d'oghji vulemu tena fora ?
O Corsi, senza mè, sareti SBATTIZZATI !!"
Aiuteti à quiddi chì volini amparà ...
U sangui di u me spiritu, hè a me lingua ...