Lamentu di u Mulateru

Bon personne n'a cette chanson ??

Qual'essu u mulaterru ?

Lettera Di U Mulatteru à U Corsu
Canta U Populu Corsu

O Corsu caru cumpagnu
Di tante sorte mischina
Veni à ascultà lu mio cantu
S'è no ne vai in ruvina
Stà à sente la mio storia
Ancu s'è tù ùn ai voglia

O quant'aghju incaminatu
Incurunendu li cresti
Chjucchittava la mio frusta
Pè li monti è li furesti
Cù lu sole è lu muntese
Più ch'è in ogni paese.

Passava tutte ste gorghe
Scurtatu da tante ghjente
Chì per vedemi affaccà
Eranu tutti impazienti
È mi facianu onore
O Corsu cun tantu amore.

Qualchì volta à l'attracghjata
Nantu à qualchi muraglione
Cù li vechji è li zitelli
Scuppiavanu le canzone
Felice era u nostru cantu
Chì ogni ghjornu era santu.

Quandu falava la notte
Durmia per ste campagne
Si sentia le tintenne
Spaperse per le muntagne
È sottu à lu mio pilone
Mi facia un casarone.

S'o t'aghju cantatu o Corsu
Per sti tempi d'una volta
N'aghju tamaritu rimorsu
È la memoria s'hè sciolta
Ma ti pigliu à testimone
Per dà fiatu à le mio canzone

I mulatteri d'Ulmetu
Parolle di Petru Paulu Peretti di Campu.
(U campincacciu)
Musica Tradiziunale

Capo 2
Em, Am, Em
Am, Em
B7, Em
Am, Em
B7, Em
Am, Em

Si senti chjuccà la frusta
È batta li sunaglieri
Rientrinu da furesta
Muli rossi bianchi è neri
Sò Sicondi è Ghjanbattista
D'Ulmetu li mulatteri.

La prima fala Falchetta
Soca la mula di guida
Appressu veni Culombu
Siguitatu da Pulina,
Rusetta, Corsa cun Bimba,
È pò Zeffiru incù Ninna.

Falchetta si poni in piazza
Tempu arrivata in furesta
Insumata à l'istanti
È po ripidda la testa,
Aspittendu li cumpagni
Sì qualchid'unu s'arresta.

Insummati ch'eddi sò tutti
Ricumencianu à chjuccani
E' cusì una par una
Sà ciò chì l'aresta à fani
Chì sott'à duie ore di soma
In marina hà da falani.

È li bravi mulatteri
Ni ripartinu à l'affretta
Senza mancu troppu tempu
D'accenda la sigaretta
Parchì ci hè lu scarrichinu
In marina chì l'aspetta.

Ma sempri strada facendu
Si sentinu li canzoni
Cunfusi par quiddi boschi
Cù tintenne è tintinnoni
È l'ochja sempri à li sacchi
Ch'eddu ùn si perdi carbonu.

Ghjanbattista par istrada
Surveglia sempri li muli
Sè li so somi sò pari
S'eddi sò strinti li funi
Sicondi da lu so cantu
Ni faci anch'eddu altru è tantu.

Passaremu per Maratu
È la bocca di Cilaccia
Ma rientrendu in Ulmetu
Emu da fistà l'arrivata
Muli quantu è mulatteri
L'emu troppu disbitata.

Ùn si parla più di ghjorni
Sò cinque mesi ad avali
Ma prestu s’è Diu voli
Si spera di terminani
È lu ricordu di tutti
Sempri si cunsirverani.

À vedaci o cari amichi
Cantanu li mulatteri
Chì malgratu la fatica
Partimu mal vulintieri
Parchì seti brava ghjenti
Corsi fidi è po sinceri.

U MULATTERU
A Filetta

Rittu, rittu o mulatteru
Si piatta l'ultima stella
Intoppa'ssu cavizzone
È fà una voce a Muvrella
Chjam'à Turcu è a Muvrone
Chì pascenu in l'arbicella

Piglia subitu'ssa frusta
È la musetta pripara
Piglia la bona pruvenda
Di la to mula più cara
Accendi lu to lampione
Sinnò saristi à la fara

Cerca umbasti è cavichjola
Ùn ti scurdà di la funa
Quandi castagne in musetta
Ùn ne resta più manc'una
Addivizza pà la machja
Anc'à lu chjar'di la luna

L'ochju versi u capimachja
Quand'ellu pesa o misura
À quessu tù mulatteru
Paghi mese è facitura
Parchì quessu à duie mani
Una piatta è l'altra fura

Quandu ritorni la sera
Canta, canta o mulatteru
Fà, sente anc'à le to mule
Ch'invece di stu mistieru
Brammaristi di direge
Di Francia lu ministeru

MULATTERU MULATTERU
cantata dà Carlu Rocchi

À si fischjava drittu è fieru
Cù a cinta rossa è cappellone
U nostru anticu mulatteru
Chjucchendu stafile è canzone
À l’acqua venti certi mesi
Per fà farina o fascinelle
Per le stradelle di paesi
Cù è mule, fiocchi è campanelle

Mulatteru, mulatteru,
Cun le paghjelle la matina
Senza premure ne penseri
Per la muntagna si camina
Quandu facia cambià lu ferru
À si passava à l’osteria
A mezzu à pastore è bichjere
U mio amicu, u mulatteru

Oghje ùn hè più cume eri
Ste cose ùn ci sò quasi più(ne)
Andà cù le mule è li sumeri
Ne hà paura a ghjuventù
U carru hè bellu sgangaratu
Cù a rotta è troncu la staffile
U stazzuna si n’hè andatu
Versu la machja ancu u fucile

Mulatteru, mulatteru
Ùn si sente mughjà in la stalla
Quelle ghjasteme cariteri
Cu là so mustaccia in battaglia
È sparitu u velutu neru
Aghjaccia cù l’arba tabaccu
Di l’omu corsu d’eri lu veru
U me amicu mulatteru

Ne tengu un ricordu sinceru
Di un amicu mulatteru…

U lamentu di Fasgianu sur sumenu.net
http://www.sunemu.net/fr/artistes/charles_rocchi/florilege/u_lamentu_di_fasgianu

ti ringrazziu , hè a siconda u mulateru d'ulmetu chi mi piace