Vaghjime
Modu largu
Mette in quaternu
Dighjà in quaternu
Tunalità
0
Capo 4
C / G
Mille culori d’argentu
G / Am
Hè di sole hè di focu
Am / F
È prufumi più di centu
F / C
Empienu tutt’u locu
C / G
Guasi u fretu risentu
F-G-C
Mà a mè m’importa pocu
Hè di cugliere straziate
Sott’a qualchi castagnone
Hè di grate affumicate
Hè di veghje a lu fucone
Hè di tante scaccanate
Dopu e fole di babbone
Ricantu:
Am / Em
S’ellu ci hè una stagione
F / C
Ch’ùn vogliu vede a fine
Am / Em
Per scrive e mio canzone
F-G-C
Hè di sicuru vaghjime.
G / Am / G / F-G-C
Poi ci hè l’alburu graziosu
Di l’alive a spurtelle
Hè untu d’oliu preziosu
Dà fà frittate ò fritelle
Una volta coltu u chjosu
Feremu e merendelle
Hè di gaspa bianc’ò nera
Hè di vindemie incantate
Di botte pien’a crepera
Di tante uve incciaccate
Hè di mostu a spullera
Hè di tant’impaghjellate
Ricantu:
S’ellu ci hè una stagione
Ch’ùn vogliu vede a fine
Per scrive e mio canzone
Hè di sicuru vaghjime.
Un hà d’estate l’infernu
Di calore infiaratu
Mà un hè mancu l’inguernu
Hè u più aggalapatu
Un hè tempu di caternu
Hè tempu dolce è bramatu
Tutti l’anni a s’affacata
Si face a passi vulpini
N’empie lu celu d’acquate
È d’albori cristallini
Hè di tambate è tunnate
Sò quessi li so destini
Ricantu:
S’ellu ci hè una stagione
Ch’ùn vogliu vede a fine
Per scrive e mio canzone
Hè di sicuru vaghjime.
Petru Bracci
