U rè Ulisse
Modu largu
Mette in quaternu
Dighjà in quaternu
Tunalità
0
Capo 2
À nant' à lu mare d'oliu
Am/F
Batte batte la remata
F/E/Am
Sò tant'anni chì à mogliu
Am/B7
A barcella hè infracicata
B7/E/A#7/A7
U legnu ùn tene piune
Dm/Am
Cù a pece ch'omu schiaffa
Am/B7 dim /E
Si vede passà u lume
E/Am/F
È po l'acqua pè e sbaffe
F/E/Am
I marinari sò stanchi
F/C/G
Ci anu da lacà a pelle
G/C
Arrembati à li so panchi
A/Dm
Anu vistu troppu stelle
B7/E
Per guidà lu so viaghju
À la più strema cunfine
È pudè dì "Vulteraghju"
Ma nun vedenu la fine
In poppa à lu bastimentu
Ci hè u rè impenseritu
Hà u sguardu guasi spentu
Di vede troppu ferite
È hà l'arechje dulente
Piene di sale è di rena
Di chì hà intesu à punente
U cantu di la sirena
A donna stata in palazzu
Averà sappiutu aspettà
U maritu resu pazzu
Da li mondi à visticà
Da le maghe accugliente
Belle cum' è chjar' di luna
Chì si danu à la celente
Per un basgiu di furtuna
Da la regina zitella
Chì u salvò nant'à la rena
Da la timpesta ribella
È u si vulia tene.
U sole di l'alburighjata
Hà da fà rossu lu mare
Chì si rode pianu pianu
U batellu è chì pare
U sangue di li cumpagni
Colt'in piena giuventù
Senza stridi è senza lagni
È ch'ùn vulteranu più
Serà megliu lu ritornu
O pate l'etern'errenza
Pè riscattà ogni ghjornu
D'una cusì long'assenza
À nant'à lu mare d'oliu
Batte batte la remata
