U pianu d’Alzu
Modu largu
Mette in quaternu
Dighjà in quaternu
Tunalità
0
G C
Pronta hè la cavalcatura
D7 G
È piene sò le bisacce
C
Sai chì la teppa hè dura
D7 G
Nanzu di ghjunghje in Cappellacce
Em Am
Per ùn strappalli lu fiatu
D7 G
Colla à passu muderatu
Quandu sboccu in Cappellacce
Ch’o scopru u pianu d’Alzu
Sai quant’ellu mi piace
U prufume di lu bassu
Sè tù voli u m’avisu
Simu quì n’un paradisu
Ghjuntu à lu primu casellu
Ch’hè postu nant’à un pentone
Forse hè lu più chjuculellu
Quellu di Ghjacumu Fiammone
S’ellu ci hè, ellu m’aspetta
Custì ci vole à fà un’arretta
E Culettule quì vicinu
Custì piantu è mi scavalcu
Ci vole à beie un bichjerinu
Duve l’amicu Ghjuvan’Marcu
In ogni cosa hè espertu
Pare un veru libru apertu
Francatu quel fiumicellu
Sentu abbaghjà li cani
Sta casetta chì mudellu
Simu quì ind’è li Sabiani
Sempre pronti à fà piacè
Ci hè acquavita è caffè
Ghjuvan’Battista hè à lu travagliu
Sempre cù lu piccu in manu
L’amicu s’o ùn mi sbagliu
A si piglia pianu pianu
Mi pare bellu manescu
Colla muri ancu à l’asseccu
In fondu di lu pianu d’Alzu
À dui passi vicini
Truverai l’ultimu stazzu
Quessu hè di li Gambini
Custì cansati ci puru
Manghji è bei di sicuru
Da nant’à lu terrazzolu
Sempre à cannuchjali pronti
Sottu quì ci hè Castagnolu
Inturniatu di monti
Parenu tanti castelli
Di sta muntagna ghjuvelli
Poi a sera à l’attrachjata
O puru à lucendistelle
S’è a voce hè spurgulata
Senterai le paghjelle
L’amicu Lisandru in testa
Sempre prontu à fà la festa
Di vede cusì luntanu
Eo quessa ùn a cridia
Ci hè Sant’Anghjuli di Lanu
Tralonca è Santa Lucia
Scopru finu à lu mazzone
Di l’altieru San Petrone
