Testimunianza


Tunalità
0

Capo 4

A notte pianu pianu, sparghje lu so mantellu
C / G / F / C
Per sti boschi spugliati, tracarchi di sognu
F / C / F / G
Spentu l’ultimu fiatu, si sventa la cucagna,
E7 / Am / F / C
In fondu di lu celu, spunta a prima stella,
F / C / F / G-C

Per sti bughjali nudi, chì u freddu ha sicatu
Un si sente un fiatu, u silenziu nasconde,
E u frombu di u fiume, chì fughj’a mezz’è sponde,
Ribomba per i chjassi chì a brina ha cutratu.

Per sti paesi persi, arrimbati à l’eternu
U tempu s’hè firmitu, lascendu tuttu apertu
Ste case fallate, sti carrughji diserti
Fermanu testimoni, soli nant’un quadernu.

Sè tempurale soffia, certe volte si sente
Cullendu per i chjassi, u passu di u pastore,
U so spiritu chì corre, trascinà u so dulore,
S’anima ferita, si sguassa ind’è mente.

Certi ghjorni si sente, purtati da li venti
U pientu di a terra, chì mughja u so lamentu,
A so chjame si sparghje è corre nanta l’onda
Per fà cresce in le mente, a sperenza di u mondu.

A l’aggrotu d’un scogliu, hè natu un fiore biancu
U so lume risplende, si span’in la natura,
E a brina chì sguile, cun fedde annacquerà
Sumenta in lu mondu, per sparghje LIBERTA…
  • D'addario Accordeur de Guitare - PW-CT-17BK Éclipse - Clip On Tuner - Syntoniseur Éclipse Noir
  • Takamine GC3NAT - Guitare classique - Naturelle
  • D'Addario Corde Guitare Classique - Cordes Pro-Arte EJ45 - en nylon - Normale

Scrive un cummentu

  • Yamaha CX40II Guitares électro-acoustique classique 4/4 6 cordes Naturel