Quarant’anni da luntanu
Modu largu
Mette in quaternu
Dighjà in quaternu
Tunalità
0
Capo 2
Am
Porta chjosa di marchjone
Am
quand’ellu soffia u friscone
Dm
lumera chì si cunsume
Dm
è chì si sterpa à fà lume
C
tizzoni di poca rusta
C
dopu à una nuttata frusta
Dm
sè vo mi ricunniscite
F / E
Dicerete induve vo site
A / Dm
Quarant'anni da luntanu
G / C
sempre aghju aspettatu l’ora
Am / E
di vighjà cun un paisanu
E / Am
oghje mi lasciate fora
Quarant'anni da luntanu
u paese ùn cambia mai
scuserete un cristianu
chì si n’arricorda assai
Urticellu impustimatu
è micca spessu innacquatu
buienchi di tantu fiatu
à fànne lagnà l’aratu
legna chì restava secca
sottu à u colpu di l’accetta
sè vo mi ricunniscite
dicerete induve vo site
Quarant’anni da luntanu
mi sò vistu fàlà in piaghja
puru s’ell’ùn ci hè più granu
lasciatemi dorme à l’aghja
Donne vestute di neru
per avè suffertu in veru
cinte rosse è cappelloni
erate tutti lioni
Avete risu avete ancu pientu
eppo lu focu s’hè spentu
ma ‘sse loche induve vo site
sò forse sempre fiurite
Quarant'anni da luntanu
sempre aghju aspettatu l’ora
di vighjà cun un paisanu
oghje mi lasciate fora
Quarant'anni da luntanu
u paese ùn cambia mai
scuserete un cristianu
chì si n’arricorda assai.
