I vechji
Modu largu
Mette in quaternu
Dighjà in quaternu
Tunalità
0
Capo 2
Am | E7
I vechji ùn sanu più
E7 | Am
I culori di l'ora
Am | E7
Nè di vita chì fù
E7 | Am
Nè di u sole fora
F | C
S'hè calatu l'imbernu
E7 | Am
À cutrà i so sciali
F | C
À via di l'eternu
E7 | Am
S'aprenu li viali
I vechji ùn anu più
Nè furie nè passione
Ma quandu a giuventù
In mimoria s'impone
Rivedene ogni stonda
Di i temponi fà
In la notte prufonda
Hè longu sunnià
F | C
Parolle cum'è fune
E7 | Am
Da ricullà u tempu
F | C
Sinu à e vechje lune
E7 | Am
Ardore oghje spentu
F | C
E ramintà si à pena
E7 | Am
Fiori di giuventù
F | C
Eterna cantilena
E7 | Am
Una volta è po più
Avà stanu ochji chiosi
Per leghje si à l'indrentu
Messaghji misteriosi
Ch'ellu scrive u tempu
U ghjornu chi rivene
Lampa una luce cruda
A trama di e pene
Si mette in carnu nuda
U sole chì si chjina
Li abbughja a mente
In core hè maltacina
Di lacrime dulente
Piombu nantu a vita
Li pesa u silenziu
Di quandu a sorte invita
A l'ultimu licenziu
Parolle cum'è fune
Da ricullà u tempu
Sinu à e vechje lune
Ardore oghje spentu
E ramintà si à pena
Fiori di giuventù
Eterna cantilena
Una volta è po più
Scrittu : J.P. Orliac Musica : J.A. Orticoni
