Fulena di stelle
Modu largu
Mette in quaternu
Dighjà in quaternu
Tunalità
0
C D G C
Grande magu di l'alte sfere
G Bm Em C
Fammi scopre le to arcane,
G Bm Em C
Vers'à quelle arie bianche è nere,
G D G G7
Insegnami e parulle strane
C D G Bm
D'u libru apertu di u celu,
C D G C G Am G
D'un colpu di u to bastunellu.
Sò cullatu in lu Caritellu,
Pegasu ci aghju affunatu,
Per fammi visità lu celu,
È tandu à galoppu serratu,
Viaghju cume à l'appasponi
Mezu à mille cunstellazioni.
D'isse fiare misteriose,
Ochji d'una fata zitella,
Di Nanne Bianche in Nevulose,
Riscalderaghju la mio bella
Cun tanti soli sfiammicanti,
Per falli cullana à diamanti.
Aghju cavalcatu u Dragone
Versu e fruntiere di l'avvene,
Vi salutu Vega, Orione,
È Cassiuppea tante serene,
È Lira, di a so melodia,
M'hà cuntatu a so nostalgia.
Vi salutu celeste fiare
D'e Ghjallinelle accumpulate,
Sapete quantu vi tengu care,
Mezu a lu biotu sfrombulate,
È ogni notte, petre d'oru,
Torna di voi m'innamoru.
