Cantaremu a vita
Modu largu
Mette in quaternu
Dighjà in quaternu
Tunalità
0
Em
Dice lu fiume rossu
D / G
Quant’ellu corre l’oddiu
Am / Em
In stu mondu turnatu
C / Am - B7
Carneghju è scimità
Em
Pè qualchì Diu cioncu
D / G
O affare di soldu
Am / Em
Ùn vale più nè vita
C / Am - B7
Nemmancu Umanità
Am / Eb7dim
L’omi turnati bestie,
Em
Animali carnaghji,
C / Am
Ridenu à vede more
B7 / Em
Una donna o un zitellu
Am / Eb7dim
Scalanu ste rubbacce
Em
Nant'à i nostri rinaghji
C
À toglie vite
Am / B7 - Em
Impunendu macellu
È li stati imputenti
Cun discorsi vigliacchi
Palesanu, O vergogna,
Orgogliu è dibbulezza
Cantu d’ipucrisia
Tal'un ghjocu di scacchi
Vite sacrificate
À putere è ricchezza
Volenu a sapemu
Accatizzà paure.
Trà l’omi è le culture
Alzà tante muraglie
Nutrisce l’ira viva
Nutrisce le sciagure
È fà nasce
E guerre, le battaglie
Siate maladetti
Purcacci à cor’di morte
Chì vulete in stu mondu
Spinghje le mente d’oru
Più purtarete bughju
Più Luce serà forte
Chì site pochi è micca
Di pettu à un tisoru.
Ci Purtarete l’oddiu
Vi cantaremu Amore
Purtarete lu neru
Vi saremu culore
Purtarete tristezza
Seremu gioia viva
Purtarete la morte
Cantaremu a vita
Purtarete tristezza
Seremu gioia viva
Purtarete la morte
Vi Cantaremu a vita
Federicu Poggi
