[Paroles] L'Arcusgi - A voce Ribella

+ A voce ribella

Chi la mio voce ribella
Sia chjara e putente
Ch'ell'andess'a u piu luntanu
Tal'un fiumone chi corre

Purtendu di Cursichella
Un accesu in ogni mente
Cum'e un fiore a lu veranu
Sparghjend'un muscu d'amore

Chjodi l'ochji o prigiuneru
E ascolta sta canzona
Un appia spiritu neru
U cornu sempre risona

Chi stu cantu di sperenza
Di sole port'un spirione
A ssi Cors'impriggiunati
In paese furesteru

Fendu piu dolce l'assenza
Ogni ghjorn'ogni stagione
E chi li pugni liatti
Siamu sciolti da veru

Chjodi l'ochji o prigiuneru
E ascolta sta canzona
Un appia spiritu neru
U cornu sempre risona

Chi lu soffiu di a mio voce
Scambii l'ar' in sfurianata
Sradighjend'i purteloni
Di sse stanze bughjicose

E chi u ribombu feroce
Di ssa lingu'assuffucata
Fessi casca muraglioni
Scarcerendu ghjuste cause

Chjodi l'ochji o prigiuneru
E ascolta sta canzona
Un appia spiritu neru
U cornu sempre risona

+ O Bà

Sentu la to voce o Bà
Sentu li to sussuri
Sentu lu to fiscu o Bà
Li to passi sicuri
Ma passanu l’anni
È canta la storia
Ma passanu l’anni
È canta la storia

Vecu lu to visu o Bà
Chì splende in la nature
Sentu la to foga o Bà
Sincera è sicura
Ma passanu l’anni
È canta la storia
Ma passanu l’anni
È canta la storia

Sentu lu to cantu o Bà
U mi portal u ventu
Sentu lu to versu o Bà
Lu to tristu lamentu
Ma passanu l’anni
È canta la storia
Ma passanu l’anni
È canta la storia

Ci’hai lasciatu o Bà
Sol’in la bughjura
Sè tu sapessi o Bà
Quant’a notte hè scura
Sè tu sapessi o Bà
Quantu l’assenza hè dura
Ma passanu l’anni
È canta la storia
Ma passanu l’anni
È canta la storia

Ma passanu l’anni
È ferma a mimoria
Ma passanu l’anni
È ferma a mimoria

+ Golu, Borgu è Niolu

Simu figlioli di Paoli
È l’eredi di a so lotta
Ci chjamem’i naziunali
A fed’è u core ci porta
Nant’a li solchi svalurati
Di’ssa ghjente imbastardita
Perf à sorge è rifiurì
Magliole d’un altra vita.

Simu nati isulani
È ora impriittati
Di mill’usi paisani
Da nostr’antichi lasciati
È vulemu esse fieri
Di’ssu populu d’onore
Salutend’i so guerrieri
E le sò mille valore

Golu, Borgu è Niolu
Portanu mille venice
Di macellu è di dolu
Mà nisun’scola ùn vì la dice !

Simu per l’indipenza
È dinù mimoria viva
D’un campà d’una credebza
Chi trascend’è ci mutiva
A adumì sott’a bandera
Senza teme e preputenze
È di la Corsica antera
Sveglià tutte le cuscenze.

Simu oghje cum’è eri
Impettati à lu disprezzu
E quand’i tempi sò scheri
Ùn calemu lu tupezzu
Sintinelle d’una storia
D’una terra splendurente
Noi cantemu la so gloria
Le so speme mai spente

Golu, Borgu è Niolu
Portanu mille venice
Di macellu è di dolu
Mà nisun’scola ùn vì la dice !

+ Mercanti di morte

Per togliatti li to guai
È scambià di vit’appena
Per l’angoscia chè tu hai
L’addisperu chi ti mena
« Un ghjornu hai pruvatu »

T’anu dettu camperai
Infine stonde nuvelle
Meraviglie vederai
Nant’ì nulli, mez’è stelle
« Un ghjornu ci si cascatu »

Fà fronte o ghjuventù
Rispinghje stu velenu
A chi sparghje spaventu
Ùn camperà serenu
Fà fronte o ghjuventù
Per fiuri la to sorte
Cumbatte cum’è centu
I mercanti di morte.

Hai pruvatu una volta
Di fughje lu nostru mondu
D’avvicinà lu benistaa
U malconciu’era prufondu
« Un ghjornu ti si dannatu »

Pianu pianu inferatu
In ricercandu l’edenu
È à la punta di l’acu
Hai truvatu l’infernu
« A droga t’ha ingabbiatu »

Fà fronte o ghjuventù
Rispinghje stu velenu
A chi sparghje spaventu
Ùn camperà serenu
Fà fronte o ghjuventù
Per fiuri la to sorte
Cumbatte cum’è centu
I mercanti di morte.

+ Purtemu

A fianc’à lu riacquistu
Dapoi l’ottanta trè
Anc’in paese di Cristu
Purtem’ù nostru vulè !

Sempre nant’à mille strade
Cantarini di a lotta
Senz’avè mane liate
Cantem’à voce rivolta
Pè tutt’umanu chì âte
Sperendu ved’à racolta
Di e granelle suminate
Nant’è piane di l’accolta

A fianc’à lu riacquistu
Dapoi l’ottanta trè
Anc’in paese di Cristu
Purtem’ù nostru vulè !

Cor’apertu è mane tese
Nant’à a via di l’avvene
Cumbatteremu l’offese
Di l’imperu chì ci tene
Sustenend’ogni paese
Ghjucantu sott’e catene
E Nazione mai arrese
Malgrad’u pesu di e pene

A fianc’à lu riacquistu
Dapoi l’ottanta trè
Anc’in paese di Cristu
Purtem’ù nostru vulè !

Di front’à mille timpeste
Cù ragione è fedeltà
Trà gioi’è stonde funeste
Sfughem’ù nostru pensà
Campemu di malavita
Mà mai ùn ci sfiateremu
E ormai à l’infinita
Foga nostra purteremu !

A fianc’à lu riacquistu
Dapoi l’ottanta trè
Anc’in paese di Cristu
Purtem’ù nostru vulè ! (duie volte)

+ Inghjustizia

A l’alba, un nucente da li soi hè sradicatu
Senz’un affolu è nisun’difesa
Torna una volta, l’onore hè sprizzatu
È d’un populu sanu si sente l’offesa.

Ci hè tanti feriti è tant’inghjuliati
Ch’in lu mondu sanu si so pisati
I diritti di l’omi a caternu lampati
Omi di gran’valore, sa stat’imprigiunati.

Soffia in lu mondu u ventu d’inghjustizia
Corre’ssu velenu si sparghje pianu pianu
Invad’e nazione, sciacci a demucrazia
Calpighja u dirittu, avillisce l’umanu.

Stati arganti li vostri malfatti
Li vostr’assassinii seranu svilati
Truverete sempre di pettu à un’armata
Un pugnu pisatu per stangavvi a strada.

Di populu l’idea ùn si po inchjustrà
Un s’azzitt’una voce chi mughja libertà
Più cresce a reprissione, più lotta piglia forza
Un si sguass’una storia, ùn si schis’una lingua.

Soffia in lu mondu u ventu d’inghjustizia
Corre’ssu velenu si sparghje pianu pianu
Invad’e nazione, sciacci a demucrazia
Calpighja u dirittu, avillisce l’umanu.

I muri di u putere dumane cascheranu
Di li populi cechi l’ochji s’apreranu
Smariscerà lu bughju è u lume sbuccierà
U soffiu di a rivolta tandu sventulera.

Soffia in lu mondu u ventu d’inghjustizia
Corre’ssu velenu si sparghje pianu pianu
Invad’e nazione, sciacci a demucrazia
Calpighja u dirittu, avillisce l’umanu.

Soffia in lu mondu u ventu d’inghjustizia
Corre’ssu velenu si sparghje pianu pianu
Ma leva la sumenta e fiuresce la via
Chi ci porta si sà, versu a demucrazia.

+ A l'addisperu

A l’addisperu ti chjamu
O caru Corsu
Perchè tu mi spieghi oghje
La to pensata
Chi eiu dà tè
Sò abbandunata

Chi diventanu li versi
Chi èri mai datu
Sentu dì ch’elli facenu
Mubba murtale
È chi mudernita
Stende le sò ale

Ripiglia fiatu ò Corsu
Ch’eò mi nè morgu
È damm’avà una nova
Magnificenza
Or’a tò cuscenza

+ Sò

Sò di petr’è di muntagne
Di terra è di fiume
Sò eiu sò
Fureste di castagne
Di bellezz’è di dulciume
Sò eiu sò
Incù lu mare in liame
Di ellu aghju prufume
Sò eiu sò

Sò cità è sò paese
Sò eiu sò
Di’sse ghjente mai arrese
Sò eiu sò
Sò l’eterna isulella
Sò eiu sò
Cunquist’è urfanella
Sò eiu sò
Sò l’eterna Cursichella
Mai doma è ribella

Sò l’amacu di lu fiore
Di tutt’i boschi muscosi
Sò eiu sò
Di muraglie è di torre
Di’ssi ponti maestrosi
Sò eiu sò
A surgente chì corre
Frà tippali muntagnosi
Sò eiu sò

Sò di machj’è di virdure
Sò eiu sò
Di poghj’è di culture
Sò eiu sò
Sò Regina incurunata
Sò eiu sò
Dà li mei tant’amata
Sò eiu sò
Sò l’eterna Cursichella
Mai doma è ribella

Sò à sposa è sò l’amante
Di un populu chì spera
Sò eiu sò
Vidulella errante
Di li moi morti à la guerra
Sò eiu sò
Sò dinù mimori’ardente
D’una storia una bandera
Sò eiu sò

Sò di tante strage scure
Sò eiu sò
Di centu milla primure
Sò eiu sò
Sò in cerca d’un avvene
Sò eiu sò
D’un campà seneza catene
Sò eiu sò
Sò l’eterna Cursichella
Mai doma è rubella
Sò eiu sò
Sò eiu sò !

+ Valore nostre

Lingua, arradicata in le usanze antiche
Parolle sulenne lampate à voce unite …
Lampate à voce unite
Chi sbuccianu in bocca cum’è rosule fiurite

Terra, anannata da mare mediterraniu
Incù borghe, culline è sole per cumpagnu …
È sole per cumpagnu
Bellezza ci hà fattu ùn nidu per paisanu

Cultura, ricchissima di mille tradizione
Paghjelle, mora è balli, cunfratell’in pruccessione …
Cunfratell’in pruccessione
Fatta de gioie a dulore mà sempre di passione

Populu, nigatu dà seculi è seculoni
Sempre ligatu à cappiu à catene è cavizzoni …
À catene è cavizzoni
Mà mai di li mai sottumessu à capizzoni

Nazione, bramata à dacci mille penseri
Facè omi ribelli cum’è quelli di eri …
Cumè quelli di eri
Allora pè Cirnea femu ci tutti guerrieri !

+ Oi gu hemen (È noi quì)

Oi gu hemen bidean galduak (x3)
Heriotz minez

Guizonen itzala lutzea
Negarrez haizea gauean
Arbolak erroak airean
Heriotza da

Oi gu hemen bidean galduak (x3)
Heriotz minez

È noi quì ! Scupendu la miseria
È noi quì ! Cun l’anima ribella
È noi quì suminemu per fà sorge u benistà !

Pobreak kalean bilutsik
Barnea esperantzik gabe
Doinua basoko tristura
Ilunabarrez

Oi gu hemen bidean galduak (x3)
Heriotz minez

È noi quì ! Scupendu la miseria
È noi quì ! Cun l’anima ribella
È noi quì suminemu per fà sorge u benistà !

Nundikan ezinaren mina
Zergatik errekan iluna
Egurra kolpeka landua
Bide hustuak

È noi quì ! Scupendu la miseria
È noi quì ! Cun l’anima ribella
È noi quì suminemu per fà sorge u benistà !

Oi gu hemen bidean galduak (x3)
Heriotz minez

È noi quì ! Scupendu la miseria
È noi quì ! Cun l’anima ribella
È noi quì suminemu per fà sorge u benistà !