recherche accords de "Caldenelle" de Diana di l'al

Eccu disgià e parulle...dopu travaglieraghju nantu à l'accordi 😉

Caldanelle
Ramentati quelli tempi passati à la Caldanelle
C'eranu le maritate c'eranu le viduvelle
E lu purtai lu vantu o fiore di le zitelle

T'arricordi quella sera ch'e no ghjucavamu à la fava
Ma ci era la vichjarella chì mai un t'abbandunava
Parchì li nostri sicreti ella sempre induvinava

A lu cuventu di Vicu un ghjornu di primavera
Fecinu un spassighjata da meziornu fin'a sera
E lu mi ghjurasti in senu d'esse mi sempre sincera

Avanti di siparacci fù d'accordu patuitu
Di truvacci u lindumane à quellu persicu fiuritu
Tinisti la to prumessa ma nun fù essauditu

Acilletti innamurati chì cantate in sta verdura
Pietà per li me dulori pietà per la moi sciagura
Chì serà sempre cucente sin'a chì la vita dura

O alberu dillicatu testimone di u nostru amore
Vive eternu u lo prufume è eterni li to fiori
A ciò quandu li rimiru cessanu li mio dulori

Ti ringrazziu