Puèsia è libertà - Petru Guelfucci

PUESIA È LIBERTÀ

Nantu à li mio quaterni
Di scularu scrianzatu
Nantu à la conca bianca
Di tutti i nostri inguerni
Nantu à lu fogliu cutratu
Di a neve di ferraghju

Sò eiu chi scriveraghju
A puèsia è libertà

Nantu à l’arrestu è u desertu
Di a pieghja è di l’alpale
Nantu à la mio terra stanca
Di tante strade a l’apertu
Nantu à l’altu casale
Rittu à mezu à u petricaghju

Nantu à e case sole
D’un paese maraviglia
Nantu à la rossa calanca
Innuratu dà u sole
Nantu à tè senza sumuglia
A mio isula di maghju

Petru Guelfucci