Paroles U Scumpientu di a flatta

U scumpientu di a flatta
Eramu in core d'istatina,
di lugliu, u ghjornu vint' unu.
Si mosse un ventu di sicchina
d' accucane qualchi unu.
E Vetta, l'ha infiarata
una manu scellerata
Un ci hà trovu nisun' straziu
à rodesi cardi è fenu,
vicinu à Sant' Ignaziu
u chjosu ne era pienu.
A pigliassi a cullata
un' uretta l' hè bastata
Ghjunti so i cumbattanti
à parà nantu à lu fronte,
brucavanu i orilenti,
neru era l'orizonti.
In la machja chi sudava
u focu s'incaminava.
Partani, dopu e bardine
si murianu anch' elle,
si scuprianu e cunfine
di quell' antichi chjuselli;
mulava u so pindinu
a rota di u mulinu.
Si sentianu i lagni
di tinte capranelle,
sottu à i fieri castagni
é quelli di e vitelle;
circavanu i caselli
omi, donne è zitelli.
Pienghjanu lu pastore
é a ghjente in lu pagliaghju,
ci vulià lascià corre,
era u solu avantaghju;
chi à u Vile di coce in fornu
hà da vene lu so tornu.

ah !! merci le top,
je met les accords bientôt sur ce même sujet comme ca vous me dites ce que vous en pensez.
à prestu

Ok derien