Parla u core di u fiatu muntese.

Eccu !

PARLA U CORE

In la memoria ch'è scrittu
Stu ghjornu dopu à Natale
Era lu stradò dirrittu
Crosciu da u timpurale
Sottu à la prima girata
A to vita s'hè firmata

Una ciucciarella chjama
Da poi in casa toia
T'aspetta incù a so mamma
Ti dava tamanta gioia
Ma risponda ora ùn poi
Chì à l'eternu, tù, ti trovi

In lu chetu Campu-Santu
? sì più solu, oramai
Chì, si n'hè vinuta accantu
A zitella chè tù sai
A teneti cumpagnia
Ogni tantu, una cria

Pè circà di dalla vinta
A i to crudi malanni
A forza ùn l'ai finta
Ai luttatu trè anni
A forza ùn l'ai finta
Ai luttatu trè anni

? u vint'unu d'aprile
Di soffre, ne eri stanca
Chì da stu male ostile
Nisunu ùn la si franca
Chì da stu male ostile
Nisunu ùn la si franca

? u destinu funestu
A morte hè a so paga
Ma sempre, tardi o prestu
Laga aparta una piaga
Ma sempre, tardi o prestu
Laga aparta una piaga

Ci sò tanti scunsulati
Trà parenti è amici
Voi l'avete lasciati
Oghje sò elli infelici
? quandu soffia lu ventu
Porta lu nostru scumpientu

(M.J. Membrini / F. Paolini)

Ti ringraziu o Mattè, chi ùn si trova più u dischettu.