NOVI TESTI PETRU GUELFUCCI !!!

allora capiscu chi quissu situ si chjama SUNEMU e micca CANTEMU
ma ci so solu e canzone induva ci so l'acordi di chitara in i dischi prisenti su quissu situ un ci so tutti i testi
allora vi mandu quissi testi !!!

CORSICA
(Petru Guelfucci/Christophe Mc Daniel)
In un scornu di lu mondu,
ci hè un locucciu di tenerezza
ind'u mio core, maestosu,
imbalsama di purezza
ghjuvellu di maraviglie,
ùn ne circate sumiglie,
ùn truverete la para :
ghjè unica sola e cara.
Corsica.
Face sempre tant'inviglia
su scogliu ciottu in mare,
tesoru chì spampilla
sacru cum'hè un altare
calma, dolce cum'agnella,
generosa e accugliente,
si rivolta e si ribella
s'omu disprezza a sò ghjente.
Corsica
ZITTELLUCCIA DI RUMENIA
(Ghjacumu Fusina)
Zittelluccia di Rumenia
chì mi feghji scunsulata
cu li to ochji, affannata
sentimi a me una cria
hè finita la tristizia
ti ne vogliu dà nutizia
Zittelluccia chì mi feghji
senza vede altru in giru
tagliatu m'ai u rispiru
e i sintimi imbuleghji
pensu a ogni zitellina
di li ricordi pulvina
Zittelluccia chì ti lagni
pianu pianu ind'u lettinu
a u to sguardu induvinu
guai quant'e tu accumpagni
e cum'ellu ti fu greve u tempu chì a vita deve Zittelluccia chì ti teni u mio ditu ind'a to manu cum'e da di pianu pianu a u furesteru : " veni ! " m'ogliu stà vicinu a tene a cunsulà le to pene Zitelluccia chì si nata ind'un marture paese ind'una storia a le prese chì serà la to spanna ta ? fa chì bella ora ne sia o populu di Rumenia !
DIANA
(M. Tristani)
Un puderaghju cullà,
dumane à lu Tribbiolu incù li mio amichi à la caccia perchè lu mio core hè in dolu
Diana ùn ci sarà più, è mi sentaraghju solu.
Quandu elli l'ampareranu sta dumenica matina i cumpagni cacciadori sta nutizia ghjalatina ch'ella si n'hè morta Diana, di le cucchje la regina. N'hà cacciatu tanti è tanti cignali di la vadiola, in vistica o puru in corsa ne paria una viola, ella sempre la prima, a mio cucchja pediola. Oramai sò finite e battute per Traghjettone, ùn senteremu più e mosse da lu Puntone, di le tò corse o Diana si ne parlava in cantone. Avà ponu stà sicuri i cignali in Garganera è puderaghju rientre più di honora la sera Diana ùn ci sarà più, ùn mi pare mancu vera. L'aghju vulsuta interrà in piazza di la funtana vicinu à la sò casetta, bella sposta à la sulana per arricurdacci sempre di ciò ch'ela era Diana.
PIUVÌA
(Petru Guelfucci)
Piuvìa, issu ghjornu custi piuvìa
i nuli eranu tristi
lacrimavanu a più pudè
v'assicuru, l'aghju visti.
Piuvìa, in un diluviu senza fine
u celu paria decisu
ad assuffucà lu mondu
pè fà pacà l'inghjustizie.
Cursichella induve sì ?
Piuvìa, quant'ellu pesa l'esiliu
accintu da quatru muri
cun l'usci tutti inferrati
quì, di libertà sò privu.
Piuvìa, per avè mughjatu forte
tutte le mio differenze
per avè cuntribuitu
a fà discità la mente.
Cursichella induve sì ?
Piuvia nisun legge di stu mondu
ne imbastu ne catene
ùn puderanu cambià
u sangue di le mio vene.
Piuvìa, ma a strada di dumane
sguassera tuttu issu bughju
issu rimore di marchjone
per un celu senza nulu.
I DETTI DI U VENTU
Per ogni petra
per ogni teghja
in ogni casa
in ogni veghja
per ogni passu
in ogni chjassu
a ventu chjaru
o ventu lazzu
a lume altu
o lume bassu
t'aghju intesu caminà
Per ogni causa
e ogni lotta
a ventu gira
o ventu volta
a ventu spira
o ventu toltu
t'aghju intesu caminà
Per ciò chì ferma
di ciò ch'hè dettu
per a to casa
cu u so tettu
per u ghjornu
chì s'hè chjinatu
per u silenziu
in core calatu
e per l'amore
ch'un spinghjera mai
ti senteraghju caminà
A TRIBBIERA
O tribbiate, o tribbiate
Incu le corne palmulate.
O caspura, o caspura
Chi la paglia torni pula.
Torni pula, e torni granelle
Ne feremu pane e bastelle o o o.
Via tribbiera, e boi tribbiate
Chi dopu vi ripusate o o o.
Via l’osa, via l’osa
Tribbiemu la laziosa o o o.
Volte i gira, evoca tondu
Chi lu tribbiu pigli fondu.
Pigli fondu e pigli cima
Volta i gira cume prima o o o.
CANTA INCU ME
Allegria sia sempre issa parolla incantata chì sguassera l'ammarezza per imbellisce la tò vita
Canta incu me o sciaccamaneghja ùn guarda intorn'a te chì nimu ti fideghja
canta,canta incu me a gioia hè medicina chì guarisce ogni male appena di sole in core, ghje megliu che un tempurale Ripigliu Averai intornu a te ghjente chì face u musu dilli senza paura chì oghje ùn hè più l'usu Ma di cantà incu me, o sciaccamanendu rallegralli una stonda, eu qui pretendu canta, canta incu me S'aghju fattu sta canzona pè pudè sguassà l'angoscia chì tutti i penseri smariscanu una volta
SÌ TU
Surrisu limpidi chì spanna u so visu cum'un sole affascinenti iss'ochji chì mandanu calisginelle labre ch'un pittore ha fattu venutu da l'alte stelle maraviglia, bellezza eu ùn vi ne contu fole E'issi basgi di tenerezza tamanta vere piume ch'accarezzanu a mio pelle spintu u lume petti scultura viva ch'imbalsamanu di prufume core chì s'infuria si scatena cum'un fiume Corpu, lettu di vita calore ch'infiara i mio sensi dite senza disciplina chì frisgianu tuttu in te palesanu issi suspiri e tutti trimuleghja in me Sessu, rigalu per gode notte infinite d'amore ch'aspetta a sumenta cume l'apa u fiore stonde a perdene fiatu sin'a u primu luciore dolci e squisiti mumenti ch'ùn vogliu vede scorre.
A VOCE

Misteru di a natura
voce limpida e pura
puntellu di a tradizione
ella si chjama passione
A voce
Ci hè la voce desideri
chì po rimà incu penseri
si hè impecata in le canzone
per mughjà revoluzione
Voce chì canta l'amore
supranisce lu rimore
ci hè quella chì dà lu pientu
quandu unu nostru hè spentu
Face tante prumissioni
a voce di i capizzoni
sempre pronta per l'inganni
sparghje amarezza e danni
Canta, canta, la mio voce
canta sempre l'allegrezza
diventa puru feroce
s'omu neca issa ricchezza

U LAMENTU DI CURSICHELLA
(Pampasgiolu)
Cursichella sfurtunata
mamma di tanti figlioli
sarai prestu abbandunata
si qualchi rimediu ùn trovi
per tene vicinu a te
issi frutti vecchji e novi
Tutti i tò figliulacci
partenu a circà furtuna
ùn hai più conti à facci
ne menu speranza alcuna
almenu che t'ùn t'adopre
di a pastoghja o di a funa
Si ne vanu a lu strangeru
cume veri spatriati
di ti ùn hanu più penseru
ne induve elli so nati
quelli valorosi corsi
pe a patria sacrificati
Chì ne penserà Sampieru
de Paoli o Sambucucciu
videndu chì lu s'imperu
hè miniciatu a di per tuttu ?
a ruvina hè generale
e smarisce fondu è fruttu
Un ci hè più corsi di sanna
ùn ci hè che scarti di natura
di la so povera mamma
soca ùn hanu più primura
ma la vergogna hè per elli
s'ella more di malcura
Facciu un ardente preghera
e la mandu a santa stella
s'ellu ci fussi manera
chì per ava s'hè zitella
d'allunga un pocu la vita
a la nostra cursichella
Qui finiscu u mio lamentu
chì troppu male mi face
ma scappa guasi lu pientu
ne soffru e po mi dispiace
che tu campi o cursichella
incu u riscantu in pace
Catalinetta
O chi belle anche, ch’ella hà Catalinetta
Anche à cavicchja
È pedi à muzzicò
Catalinetta era, catalinetta sò.
Chi belle ghjinocche, ch’ella hà Catalinetta
Ghjinocche à chicchirichi
Anche à cavicchja
È pedi à muzzicò
Catalinetta era, catalinetta sò.
Chi belle cosce, ch’ella hà Catalinetta
Cosce misgiccia
Ghjinocche à chicchirichi
Anche à cavicchja
È pedi à muzzicò
Catalinetta era, catalinetta sò.
Chi bellu culu, ch’ella hà Catalinetta
Culu à trumbù
Cosce misgiccia
Ghjinocche à chicchirichi
Anche à cavicchja
È pedi à muzzicò
Catalinetta era, catalinetta sò.
Chi bellu corpu, ch’ella hà Catalinetta
Corpu d’aranciu
Culu à trumbù
Cosce misgiccia
Ghjinocche à chicchirichi
Anche à cavicchja
È pedi à muzzicò
Catalinetta era, catalinetta sò.
Chi belli petti, ch’ella hà Catalinetta
Petti da inquadrà
Corpu d’aranciu
Culu à trumbù
Cosce misgiccia
Ghjinocche à chicchirichi
Anche à cavicchja
È pedi à muzzicò
Catalinetta era, catalinetta sò.
Chi bella bocca, ch’ella hà Catalinetta
Bocca da infornà
Petti da inquadrà
Corpu d’aranciu
Culu à trumbù
Cosce misgiccia
Ghjinocche à chicchirichi
Anche à cavicchja
È pedi à muzzicò
Catalinetta era, catalinetta sò.
O chi bell’ ochji, ch’ella hà Catalinetta
Ochji di topu
Bocca da infornà
Petti da inquadrà
Corpu d’aranciu
Culu à trumbù
Cosce misgiccia
Ghjinocche à chicchirichi
Anche à cavicchja
È pedi à muzzicò
Catalinetta era, catalinetta sò.
Chi belli capelli, ch’ella hà Catalinetta
Capelli da fà funa
Ochji di topu
Bocca da infornà
Petti da inquadrà
Corpu d’aranciu
Culu à trumbù
Cosce misgiccia
Ghjinocche à chicchirichi
Anche à cavicchja
È pedi à muzzicò
Catalinetta era, catalinetta sò
L'ACQUA VIVA
(G. Thiers)
A isse curone d'acetu
di balagna chì ti lagna
u mare chì s'agranca
ùn vole esse più latinu
A isse curone d'acetu
di Balagna chì ti lagna
u marosulu si hè sbattutu
a tutti i so campanili
A isse curone d'acetu
di Balagna chì ti lagna
l'ansciu di una cialamella
ci ha appesu una speranza
A isse curolle d'alivu
a cialamella hè mora
e l'acqua viva corre
lesta cum'hè a bandera.