militentu

Salute, eccu😉👍

Eccu mi trovu in prigione serratu
Pè esse statu cume tropu pigliatu
Chi a trappula era tesa
Da a voluntà francesa

Un aghju avutu, caru u tempu di parte
Chi di a surpresa cuniscianu l’arte
Sei pulizieri armati
A dossu mi so cascati

Prestu intravatu, mani e pedi liati
Mancu un sintia i pugni e calci datti
Rividiu in u mumentu
Un passatu militentu

Per ave fattu, piu di deci anni in testa
À purtà fede, sottu sole e timpesta,
À l’apertu o clandestinu
Un ringrettu u mio destinu

Saranu chjeti di u fronte i fratelli
Chi « l’aqua in bocca », sara stata per elli
Ricunnoscu che i mio fatti
Per vede li mei capiatti

Mezu a ssi muri d’azzione impiditu
Di liberta he grande l’appetitu
Senza canta, e serate
E pò « tanti notte calde »

Per lu penseru francu muru e prighjone
Un ci he catene parchi teni raghjone
Fermu ciò ch’aghju prumessu
Ne vintu, ne sottumessu

E mi rallegru di a sumente chi leva,
Fu suminata ch’ella sia rileva
Rivulta di u senzu anticu
Pettu a l’eternu némicu

Ch’ella si sparghi in menti ghjuvenili
D’una paghjella à frombu di fucili
Oghje ghjornu piu che mai
Si risonna tanti guaï

Compiu ssu cantu ch’un pò esse lamentu
Chi lu me core batti sempre cuntentu
À lotta cuntinueghja
Ci ritruveremu à veghja.

Natale Luciani