marosuli di focu

Issu vecchju arrimbatu à lu so muraglione
I so occhji turchini, bagnati di tritezza
U core strintu in pettu, à mez'à st'amarezza
D'addisperu ne stringhje u s'anticu bastone.

In corsu d'estatina, ghjunse un mare di fume
Cun isse fiare di sangue, marosuli di focu
Stu trombu di spaventu, assalta ogni locu
Anneghendu in un lampu, una terra di lume.

Isse pianure d'alive, issi valli di castagni
Piantati quand'ùn si sà, da li mio antenati
Ùn si l'hanu francatan u focu l'hà stirpati
A mio terra si more, n'hè sentu i so lagni.

Mai più ùn vederaghju à l'autunu chì nasce
A ronda di e fronde chì ballanu per paghju
I prufumi di maghja, ch'imbalsamanu maghju
Sò tante dolce stonde, chì sparghjenu a pace;

Si sguassanu i chjassi, chì bagnanu memoria
Ùn n'aghju più nisunu per intratene stu locu
È ascoltà sta chjama, ci vole cusì pocu
In la to manu stringhji, u filu di a storia.

I mio lochi sò morti, ùn ferma che carbone
Quandu starete à sente, oghje sta riturnella
Chì purteà dumane, cunissa voce ribella
A l'intimu di l'esse, stu fiore di ragione ?

A prestu 😉