lamentu di u banditu ( so for di strada ) di mai pesce

Lamentu d’un banditu.
Parolle : Peppu Flori.
Musica : Peppu Flori è Filipu Marietti.
Capo 2.
[Dm. Gm. Dm. Gm. (A#). Dm] x2 / C. Gm. F. A. Dm.
Sò for di strada per tutta la mio vita ;
Soca ne era tracciata la me sorte
Di campà solu pè la macchja fiurita,
E cundannatu à fa la malamorte.
Per mè la pace hè sempre finita
Induve passu mi chjodenu le porte.
Di li gendarmi ne faciu una risia
Ancu per esse un grossu battalione
U più ch’è temu hè piuttostu la spia
Chì corre appressu à lu dettu taglione
Ma s’ella manca è ch’è salvu ne sia
Sarà l’esempiu di tuttu lu rughjone.
A zitellina, ùn sò se mi rammentu ?
E l’allegria hè fughjita luntanu
Per fà la piazza à stu longu turmentu
Ch’eo ne passu da lu monte à lu pianu
Cusì espostu à qualchi tradimentu
D’un falsu amicu chì mi porghje la manu.
FINAL C. GM. F. A. A#. A. Dm.

Grazzia Saveriu! Mi pudarè di comu hè ss'accordu: A#? A prestu è grazzia!

Ghjilliu
A# vole semplicemente dì ; LA dièse. Po esse ch'ellu c'hè un antra manera di scrivelu ?
saveriu

Bonna sera Saveriu. Vuliu sapè comu si ghjocchi u la#? Si ghjocchi come un SIM b? Grazzia

U La# hè u stessu accordu chè u Sib
La# = Sib = A# = Bb
à prestu !

Grazzia seb! un ultimu pinseru pà mè lol : si qualchisia pudia metta l'accordi sott'à li paroddi m'arranghjaria, aghju a pena à truvà comu si ghjocchi ssa canzona.Dopu vi lagu a paci incù quissa lol grazzia