lamentu di cursichella

U lamentu di Cursichella"
Cursichella sfurtunata
mamma di tanti figlioli
sarai prestu abandunata
si qualchi rimediu 'un trovi
per tene vicino a te
i to' frutti vecchji e novi
Tutti li to' figliulacci
partenu a circa furtuna
'un hai più conti a facci
né menu speranza alcuna
al menu che t' 'un t'adopre
di a pastoghja o di a funa
Si ne vanu a lu strangeru
cume veri spatriati
di te 'un hanu più penseru
né induv'elli sò nati
quelli valorosi corsi
per a patria sacrificati
Chi ne penserà Sampieru
De Paoli o Sambucucciu
videndu chi lu s'imperu
è miniciatu a di per tuttu?
a ruvina è generale
e smarisce fondu e fruttu
'Un ci è più corsi di sanna
'un ci è che scarti di natura
di la so' povera mamma
soca 'un hanu più primura
ma la vergogna è per elli
s'ella more di malcura
Facciu un ardente preghera
e la mandu a a santa stella
s'ellu ci fosse manera
chi per ava' s'è zitella
d'allunga un pocu la vita
a la nostra Cursichella
Qui finiscu u miò lamentu
chi troppu male mi face
mi scappa guasi lu pientu
ne soffru e po' mi dispiace
che tu campi o Cursichella
'ncu' u riscantu in pace
Anc'eiu cercu l'accordi.