i surghjenti

anc'eiu cerccu accordi d'i surghjenti
Orma:
-mi paria un mondu
-com'è una pitrata
-qual'hè chì sà
-indè vo site
Da a petra è da u ventu:
-l'imbasciata
è d'altri accordi di u dischettu "Da a petra è da u ventu"
à prestu

FORA DI
Fora di u mondu falzu indù si compri è si vendi
Fora di u mali oscuru chì affanna a menti
Fora di i porti chjusi indù si taci a pena
Fora di tutta l'ultranza è ch'invadisci l'avvena
Si sparghji u culori di l'anima di una vita
Nivulosa, imposta da a prima alba
Si sparghji u raghju sanu d'un sognu curaghjosu
Chì stà fermu un mumentu in l'eternu...
For'di l'idea svanita e di u mumentu maestosu
For'di l'ora di u tempu e di l'uffesa inbiancata
Fora di l'acqua sacrata chì pardona à ungni fedi
Fora di a to scurdata pà tutti li vechji pinseri
Si sparghji u culori di l'anima di una vita
Nivulosa, imposta da a prima alba
Si sparghji u raghju sanu d'un sognu curaghjosu
Chì stà fermu un mumentu in l'eternu
Fora di quiddi cateni ch'impediscini a spiranza
Fora da a vera manera pà sviutà i vosci veni
Fora di u cantu scemu vagabondu di a notti
Fora di l'anticu chjassu è di a to stedda oghji persa
Si sparghji u culori di l'anima d'una vita
Nivulosa, imposta da a prima alba
Si sparghji u raghju sanu d'un sognu curaghjosu
Chì stà fermu un mumentu in l'eternu
ACCANTU A TE
UNA LUCI NI TREMA
DI I LACRIMI APPICATI
U TEMPU CHI SUMMINA
I CANDELA ABANDUNATI
U MANDILE HÀ ACCUNCIATU
I RICORDA I PIÙ ANZIANI
DI A STORIA CHI T'HÀ MINATU
N'HÀ U SANGU NANTU À I MANI
L'OMMI CHI T'ANI TROVA
ANI DI TÈ SIGNUREDDA
A PIU INTIMA PROVA
D'ESSA LI NI FRANCA E FIDA
A BILEZZA CHI TU TRASCINI
DI SPUSALA N'HANI PRIMURA
DA I COSTI FIN'À I TO CIMI
U TO VELU DI VIRDURA
MA U ME PIÙ CARU PIACÈ
SARIA D'ESSA ACCANTU À TÈ
PÀ UNA VITA INFINITA
QUANDU VENI L'ATTRACHJU
M'ARRIPONGU UNA CRIA
SUTT'U CELI STIDDATTU
PAR TENATI CUMPAGNIA
AVÀ CHI A LUNA HÈ PISATA
POSSU LASCIÀ LINTÀ I BRAMMI
A ME VITA ÙN TI SARA SVIATA
OGHJI MENU CHI DUMANI
MA U PIÙ CARU PIACÈ
SARIA D'ESSA ACCANTU È TÈ
PÀ UNA VITA INFINITA
CÙ DUI RIMMI E UN'ARMUNIA
TI VODDU VESTA DI MARAVIDDA
PIÙ D'UNA VITA INFINITA.
C. CONTRI - C. CANARELLI
DI A ME TARRA
Pà qui erani i nosci loca
Pà qui ci stani prima dulori
So avà usciati da i foca
Malgratu s'he cullucatu un fiori
E qui, no, avemu presu un amicu
E piovi in un ramentu chi m'azzica
Ma he chiara, l'acqua chi curri
He chiara ssa pinzatta ch'eu dicu
He qui chi u nosciu versu s'avventa
E trova ugni laziu d'accunsentu
E quandi u cunsigliu ci scumparti
He qui chi u dubitu un a parti
Si qui so attrati i prima venta_
Fa sforzu e fa soia ssa cumpienta
Cusi s'avinuchjarà u turmentu
Avizzu a sfittà u francu mumentu
He qui chi u pinseru curiosu
S'he mossu pà un strappidda piu l'onori
Parchi u ghjustu anda priziosu
Un fessi allianza a u disunori
Si qui veni a campà un distinu
Daraghiu l'affrontu a u so mischinu
Parchi, qui, in u sangu di a me tarra
Suspira u me intimu e s'infarra
Si qui u me intimu s'agriccia
Si qui ch'ugni cosa ni facci triccia
Par qui mesu u sangu di a me tarra
Suspira u me intimu e si sfarra
Mi paria un mondu
In l'aria vagabonda
L'abbrucata calaia
Impiindu u celi è l'onda
Po u ghjornu stanciava
Nasciva una storia
Ricca di fantasia
È a zitiddina in gloria
Stunata mi dicia
Ripiddu :
Mi paria un mondu
Un sognu senza fini
Mi paria un mondu
Una fola divina
Era sicura un mondu
Issu ghjornu chì camina
Era sicura un mondu
A franca zitiddina - Issa alba di a zitiddina
Mi paria un mondu
Di scopra tanti fatti
In un misaru circondu
À u me parè asgiatu
U soli si scittaia
È invinochju a natura
Tali un cantu chì chjamaia
No', partissimu à curra
Tiniu a fà racontu
Pà issi stundi aguattati
Sì lebbiu ne hè issu contu
Hè in mè affaldatu
Faci dulci caminu
Pà a menti hè felici
Và versi i to cunfini
Sì u distinu ti dici
Und'è vo' seti
Ind'è vo' seti, u spiritu murmura
Socu à sicura d'ùn senta vi mai più
Mezu à tantu rimorsu chì un ingratu ni scura
Iddu vi faci scorta, in issu locu di fuscura
Pà vincia issa fuscura
Una lumera lacrimendu i so peni
Accumpagna l'angosci più chè l'idei in fulena
Issu prisenti di lumu chì dulci si tratteni
Mantinissi 'llu puru, u più degnu l'avvena
U più degnu l'avvena
Ripiddu :
A paci in issu locu hè carca di gioii tinti
Carca di glorii vinti, di tanti spiranzi spinti
A paci in issu locu ùn hà banderi armati
Dà boci à u silenziu, di rispettu ne hè urnata.
Ind'è vo' seti, ni sò pari i prifirenzi
Ma ranficani l'albi di i stupiti cuscenzi
In l'animi materni, induva l'infernu hà guadantu
U turmentu si movi, tali un mari d'arruganza
Tali un celi chì mai stancia.
Ripiddu :
È a paci ind'è vo' seti, pichja à u fiori di i ghjusti menti
Pà fà cantà l'amori, mezu à un dilivu di pienti
A paci ind'è vo' seti, ni ricusa l'abbastanza
Soca circa riposu, in i pianuri 'lla mancanza
Sì a paci ind'è vo' seti, hè sola à pudè ritena
Prigu 'lla mantinissi u più degnu di l'avvena
Sì a paci ind'è vo' seti, hè sola à pudè ritena
Prigu 'lla fessi a chjama pà salvà, l'urfaniu avvena.
Un sguardu
Ancu eu, com'è tè fughjivu à mezu à i machji,
Circhendu un altru impachju, senza mai rifiatà.
Tiniu, com'è tè, petri in ugni bunetta
È qualchì lebbiu soldu, trussò di i puvaretti.
Eru ancu eu, com'è tè, scuffulendu pà un nienti
À sbuccià in risi è pienti, è in bracciu rivultà !
Tandu, eu, com'è tè, nanzi di parta in scola
Ciutaiu in i me sicreta senza pona parolla.
È allegru, com'è tè, a nascita di brama
À l'assaltu 'lli ripi pà codda i fiora à mamma.
Chjappaiu stretti è scaffi, iddi, erani fidi
À salvà mi, d'un scontru, puri d'un sguardu infidu.
Eramu com'è vo', sbandati, in issu mondu
È pà ùn perda chjassu, battiamu circondu.
Eramu, tali un lottu, posti à u stessu chjassu
Ancu, i nosci passa pudiani racuntà si.
Eramu com'è vo' lestri, quant'è saietti
À calvià in i lenzi, baruffa in i piazzetti
Gudiamu com'è vo', incirniati d'affettu
Chì a famidda, vardaia, tali u santu rispettu
Quandi oghji com'è no', vi vicu scrutà l'ondi
Vi risentu smuniti incù voscu mi cunfondu
Cusì tengu in mè, i più savii dilitti
Darani à i mimori, grani pà d'altri scritti.
Quali hè chì sà ?
Quali hè chì sà, com'idda nasci
Com'idda stà, com'idda pasci
Com'idda pesa o si ni vola
Com'idda ghjoca, è si vultola
È dici dolu o alegria
A noscia vechja puesia.
Quali hè chì sà duv'iddu porta
U passa è vena di a sporta
Da u me cori spatansciatu
À u to sintimu addinatu
Da a me penna in chjostru beddu
À l'indrizzu sempri quiddu
Quali hè chì sà chì u nosciu scrivi
Ùn sia ma' chè modu vivi
U veru fiatu è u rispiru
U solcu fattu à tondu ghjiru
Da aiutà ci à scurdà l'anni
È à guarì mezu l'affanni
Allora scrivi è dì li à u celi
I centu versa di u to vangeli
Issi tema tinti à u pinneddu
Scelti è parolli à u criveddu
Da allibrà la via via
Quidda nustrali puesia.
Com'è una pitrata
U mondu hà fattu un altru ghjiru
À u spuntà di u to surrisu
Ùn aghju più trovu rifiatu
In circa di issi paradisa
Tù sè com'è una pitrata
Mi a' lasciatu u cori maccu
Ùn sò s'è tù ti rammenti
Quantu u mari chjachjaraia
Oghji innò !
Ùn voddu creda à i lamenta
È i sugnuzza di i frascaghji
Chì iddu si inchjocca à trascinà
U marosu chì mi batti u cori.
Luci quant'è petra fucaci
Chì lascia i steddi in l'ochja
A to boci mi si hè stampata
À l'orizonti di i notti
U mari t'avia purtatu
À a batticcia di i me ghjorna
Ti chjamu avà, ma ùn ci sè ;
Credu tù fussi solu un sognu
O zitedda,
Sè smarrita tempu vinuta
Mi sò brusgiati i palpebri
Circu à palponu a to vistica,
L'anima è l'ansciu di un affaccu.
Sè stata com'è una pitrata
Tirata in i me ghjorna losci
Ùn sò s'è tù ti rammenti
U versu di issu sirinatu, di quiddu sirinatu

A MOSSA capo 3
intro:mim/la(*4)...mim/la/sol/la.....mim/la/mim....re7/do#7/do7/si7(*2)
S'hè mossu un vichjuleddu una mattina da cul'ansù mim/si/mim/si7
Dicia sò tantu fieru d'essa incù tè ò ghjuventù mim/si7/mim/si7-ré
A circustanza chjama è s'idda chjama ancu di più sol/re/sol/re
Se forza è curaghju u supranu mi voli lascià do/sol/lam/mim
prontu mi truvaraghju par u sustegnu è par pruvà do/sol/lam/si7
Chì ghjenti senza pinseri oghji ind'è noi ùn ci n'hè più mim/re/do/sol-ré
Ghjenti senza pinseri ùn ci ne sarà mai più mim/ré/do/si7/mim/fa#/sol/la
mim/la/mim/la/mim
re7/do#7/do7/si7(*2)
Cusì dicia u vechju chì vistu n'avia tanti più
Sò certu chì parechji in u me rughjonu inssù
Dicini chì sò pazzu d'essa incù tè ò ghjuventù
Mà sò chì tù vol'essa u versu ch'iddi ùn ani più
E ne sò bè cunvintu chì a più sana oghji sì tù
E ch'ai fattu manera è ti ringraziu ghjuventù
Ghjenti senza pinseri ùn ci ne sarà mai più
Populu m'ai intesu è si oghji u turmentu hè di più
Segnu chì u casticu hà resu vita à i to virtù
Si biotani i paesi quandu cundanna a ghjuventù
Si biotani i paesi è eccu una prova di più
Chì a mossa s'hè stesa è com'ella mi dici tù
Chì ghjenti senza pinseri oghji ind'è noi ùn ci n'hè più
Ghjenti senza pinseri ùn ci ne sarà mai più

ti ringraziu amicu