i muvrini

ricercu l accordi di e canzone
a ringraziavi
a prestu
DIMMI
U ventu d'inguernu
Chi pichja à le porte,
Qualcosa chi pienghje
Qualcosa à lu core,
Si sente u cantu
Di a vita chi dorme
È tù,
Ch' eo cercu à u filu
D'un sonniu chi passa,
È tù,
D'un vechju secretu
Chi mai si squassa
Induve si,
Dimmi lu viaghju,
A strada fiurita
Induve tù vai tù.
U vechju rillogiu
Si ghjoca di l'ore,
Un battellu chjama
In fondu à lu portu,
Qualcosa chi geme
A u celu mortu,
È tù,
S'è lu ti ne parla
U ventu d'inguernu
È tù,
Fà chi lu mio cantu
Un si ne voli indernu.
Induve si,
Dimmi lu viaghju,
A strada fiurita
Induve tù vai tù.
A MIO LINGUA
A mio lingua hè cantu
Chi colma u core
D'amore tamantu
E fiurisce l'ore
E fiurisce l'ore
A mio llngua hè pientu
Chi strappa u core
Voceru o lamentu
Quandu un omu more
Quandu un omu more
A mio llngua hè mughju
Di stizza è rivolta
Chi colla in carrughju
I ghjorni di lotta
A mio llngua hè fola
E veghja incantata
Hè sonniu chi vola
Tutta la nuttata
A mio llngua he gioia
E musica è ballu
A mio llngua hè toia
Chi a ti ricalu
CAFFÈ DI U LICEU
Issu zitellone asgiatu
à u core andarinu
chi si stava pusatu
di punta à un tazzinu
caffè di u liceu
caffè di u liceu
Issa giuvanotta fiore
cù a so chjoma bionda
chi ridia à l'amore
e piantava una stonda
caffè di u liceu
caffè di u liceu
Ci mettiamu in fondu
intomu à un caffé
e à rifà lu mondu
e circa li perche
caffè di u liceu
caffè di u liceu
E sculavanu l'ore
à parlaccile inseme
à scaldacci lu core
e sunnià l' avvene
caffè di u liceu
caffè di u liceu
Oghje facciu una arretta
caffè di u liceu
ma più nimu m'aspetta
e tu n'un ci si più
e un ci so più eiu
caffè di u liceu
caffè di u liceu
caffè di u liceu