I Cantelli - Ghj'era dumane

I Cantelli - Ghj'era dumane

Texte et musique par Pierre Gambini

Ré / Sim / La / Sol

Capo 2 : Do / Lam / Sol / Fa

A ciavatta, carozzi è velo, è tanti ghjoculi inventati,
Pruvemu à fughje a gestapo, cù u so tapu di coca sventatu,
Energie perse apressu à i cabani a pedi di muru sott'à li pini,
Smuntate per a San Ghjuvà, per daci lume in Lupinu.

E scappate sott'à e cuttulate à azzizzà quelli di l'Aurore,
Cun biciclette micca pagate muntate à calci mà cun sudore,
Partite di foot arrabiate suniendu di gloriosi destini,
A sera à ride di i primi cullati, i fischi di i pastori in Lupinu.

Dumane, ghj'era dumane ...

Trascinendu l'annoiu in quartiere ci vulia sempre un tipu bizzaru,
Nudu è duru cume un sumere, ci prupunia brutti affari,
Dopu à e marelle ghjunti mascioni ghjucchendu à vita cume à palline,
Arrubecci, alcolu è tizzoni, più d'una strada esce di Lupinu.

Mi so scurdatu di e mio cummunione, ma micca di i schiaffi di u prete,
Cuntava falze cunfessione, u più bucciardu ghj'era ellu,
M'arricordu di u mio primu scimione, s'ellu hè listessu hè divinu,
Finiscu torna un buttiglione pensendu à u mio paese Lupinu.

Dumane, ghj'era dumane ...