Disoccupatu di Ghjuvan'Carlu Papi

Un n'aghju che i parolli :

Mamma mi dicia ch'eo duvia imparà
Par traccià mi la via in issu mondu chi và
Babbu in u so stentu par pudèci ingrandà
Ci cacciava lu pientu à rombu di strazia

Eo vulia esse issu figliolu chi sà
Issu filu chì si tesse per ùn mai più strappà
Issu puntellu di casa ch'un conosce tremà
E issa lampara incesa in isse notte à scuntrà

Mà, sò disoccupatu è ùn sò ciò chì fà
Ni perdu ancu lu fiatu à rombu di cerca
Sò disoccupatu è ùn possu mancu dì
Chè ùn aghju studiatu per ghjunghja ni quì

Puru l'aghju pigliati issi chjassi d'imparà
I bacchi è i licenzi senza mai sfiatà
Per finisce duttore d'una lingua chì và
Chì cura ciò ch'accome ma ch'ùn si sà curà

Pienghju quelli quì ùn anu mancu pussutu fà
Issi trè o quattri passi à l'università
Chì s'è à li tempi d'oghji ùn mi ponu ghjuvà
A cunniscenza sola porta a libertà

Mà, sò disoccupatu è chi possu fà
Chì l'aviu pigliata a strada di l'andà
Oghju u soldu travaglia bisognu ùn hà di mè
S'ellu ferma una paglia forse sarà per tè

Sò disoccupatu ma vogliu fà scambià
Issu mondu chì si more di pocu sunnià
E saraghju occupatu puru per pudè dì
Ch'ùn aghju addisperatu issu mondu à custruì
E saraghju impegnatu puru per custruì
Issu mondu sunniatu per la ghjente di quì.

Eccu O amicu !