demande d"accords

Eccule:

Arietta

Quand'ella canta in mè quell'aria languente
Naviga in dolci mari la me fantesia
Di l'albe chi ùn sò più risplende la magia
Tutta la giuventù si leva è m'hè prisente

Correnu dananzu à l'ochji meravigliati
Catene di monti turchini à l'infinitu
Pinete è valdi cupi è machjetu fiuritu
Calanche è scogli da lu mare flagilati.

Scopru à li fianchi d'una sarra appiticate
Accolte a brada cume capre in lu piazzile
Di tondu à la chjesola cù lu campanile
Casarelle di petra nuda musgingate.

? l'ora calma induve lu cansa lu gjornu
A campanella chi chjocca l'Ave Maria
I campagnoli sparsi invitu à lu ritornu
A banda di le sgiotte affulena la via.

U sole s'hè ciuttatu una ghitarra sona
Un'ardita brunetta affacca à lu purtellu
? lampa un carofulu rossu à lu zitellu
Innamuratu chi li canta la canzona.

(Versini D - Poletti G)