A paulu

A Paulu

Eri in tuttu lu rughjonu cavalieru rinumatu
Oghji a macchja si lagna chì l'eternu t'hà chjamatu
A mezu à lu to caminu o Pà' ti ni sè andatu

O amicu o frateddu cusì ingrata la sorti
Arrubbendu ti lu fiatu chì sò stati i to torti
Tù chì amai la vita di manera cusì forti

Ripiddu:
Purtaraghju sempri in me ni
Lu to amori di sta tarra
A filicità di l'essa quandu spunta l'alba chjara
Arriposa ti avali o Pà' in a to furesta cara

Da lu Taravu è la Rocca è li vaddi d'Alisgiani
Si sò tutti adduniti amichi è paisani
Quand'hè ghjunta la nutuzia causa di tanti danni

Un si sintarà più rimi nant'à issi verdi cullini
Ancù l'aceddi sò muti da lu chjosu à li marini
Un mughja mancu lu ventu pà' sti furesti vicini

Ripiddu:
Purtaraghju sempri in me ni
Lu to amori di sta tarra
A filicità di l'essa quandu spunta l'alba chjara
Arriposa ti avali o Pà' in a to furesta cara

Quanti galoppi emu fattu quanti sirati di cantu
In sti tempi biniditti ugni ghjornu era un incantu
U soli chì ci schiaria è un amori tamantu

A passioni era u to fiatu u versu la to manera
Ti bastaia un caffè o qualchì campu di fiera
Pà' sminticà ugni cosa è passà a notti intiera

Ripiddu:
Purtaraghju sempri in me ni
Lu to amori di sta tarra
A filicità di l'essa quandu spunta l'alba chjara
Arriposa ti avali o Pà' in a to furesta cara x2

Eccu !! Si tù cerchi incù d'altri parolli di u gruppu Svegliu d'Isula dumanda sempri !!
A bona ghjurnata è a prestu 😉

ti ringrazzzzzzzzzzzzzzzzzzzzzzzziu 🙂

sara pussibuli d'avè l'accordi ma senza u guitare pro par piace 🙂