Lepante
Modu largu
Mette in quaternu
Dighjà in quaternu
Tunalità
0
Capo 3
Em
Sò ghjorni ch’è no l’avemu visti sparisce pianu
Em G A2 C
Roglianu è u visu di e nostre moglie luntanu
Em G A2 C
L’Italia s’allonga cum’un ditu ch’insegna una via
Em C G B7
Ver’di quell’ombra di morte stesa in Grecia da la Turchia
Em D Em D Em D Em
Anni fatti seculi à pate mori è razie
Troppu paisani schjavi di e so barbarie
Roma hà chjamatu è e vele incrocianu l’onde
Ghjacerà a luna d’oriente in la notte pagna di l’acque prufonde
Ponte :
Em A C D Em X2
Ottobre u 6 à passi vulpini in Patrace
Simu entrati i primi trà rabbia è paura murdace
Tandu l’emu visti cum’un muru sopr’à u marosu
Un muru di vele turche è noi cantendu un Kyrie pietosu
L’Orcu incapatu di stella è di luna s’avanza
A santa lega naviga di fronte in baldanza
À mez’à a furesta di maghji induvinemu i nostri
Spade di Roma o Venezia site voi fratelli Corsi
S’hè vistutu u mare di legnu di ferru è di focu
A rughji è fragassi s’introna è trema u logu
Ogni ponte annaqua di rossu l’onda turchina
Ma cedenu sempre di più, a so, a vittoria s’avvicina
Avà di lu Turcu a putenza arrugante
In fondu di u mare Terraniu si sciante
Alzemu di i ponti sanguinose teste more
Per ogni assaltu è strage di e vindette sò sunate l’ore
Strappate e catene escenu i galeriani
Schjavi à millaie luntani è paisani
Vulteremu in Corsica à cantà la to gloria
Lepante santu hè lu to nome dacci l’avvene sacra vittoria
