Balagna

Da i tempi landani sin’à i tempi d’oghje « Balagna » vi porta in viaghju à traversu a storia di a Corsica, di a so ghjente è di a so cultura.

U gruppu ci porta nant’à i passi di i nostri antenati è a vita chi fù a soia. Un chjassu da scopre cun pezzi scelti di a tradizione nustrale, ch’elli sianu canti sacri, prufani o puru pezzi strumentali.

« Balagna » prupone dinò un travagliu maiò di creazione. Canti à cavallu trà u ceppu tradiziunale è l’influenze chì sò ghjunte ad’arricchisce a nostra musica, ch’elle sianu, folk, pop, spagnole, sud americane o classiche.

In scena sfilanu i canti è barcanu a nostra storia cum'è una galleria di dipinti duv’elli apparenu Ghjudice di Cinarca, i dipurtati di l’Isulacciu di Fium’orbu, u nome di Paoli è tant’altri.

A narazione hè assicurata da Marc’Andria Castellani d’RCFM, creatore di l’emissione « Un ghjornu una Canzona » è « Storia ».

Pulifunia, ghitarre, pirule, pifane, viulini, percussione, « Balagna » prupone parechji culori è ambienze musicale dapoi i primi canti sin’à u mondu oghjincu è e so prublematiche.

Eppo « Balagna » sò dinò dui dischi « Cantu chì sò » in u 2018 è « A miò storia » in u 2022 registrati à fiancu à Cristofanu Mac Daniel.

U Gruppu Balagna :

Thierry Nobili – Voce di bassa
Andria Aitelli – Cantu, viulinu, pirule
Jean-Philippe Casta – Ghitarra, Cantu
Sebastien Dussol – Percussione, voce di terza
Marc’Andria Castellani – Ghitarra, cantu, narazione

Ma sopratuttu u gruppu « Balagna » ghjè l’amicizia è a passione di a Corsica, a so musica, a so storia, a so anima… « Per ciò ch’è no simu è seremu, cantemu…

Accordi & parolle

A miò storia

A miò storia (2022)

A miò storia 536
E nave sischese 434
E strage di l’Isulacciu 543

Cantu chì sò (2018)

Cantemu 250
U mo eroe 469

Top tituli