Cursichella sfurtunata
Mim                      Sol
Mamma di tanti figlioli
Mim                       Sol
Sarai prestu abbandunata
Lam                               Mim
Sì qualchì rimediu ùn trovi
Si7                                 Mim
Per tene vicinu à tè
Lam                      Mim
I to frutti vechji è novi
Si7                       Mim

Tutti i to figliulacci
Partenu à circà furtuna
Un ai più conti à facci
Ne menu speranza alcuna
Al menu chè t’ùn t’adopre
Di a pastoghja o di a funa

Si ne vanu à lu strangeru
Cum’è veri spatriati
Di tè ùn anu più penseru
Ne induve elli sò nati
Quelli valorosi Corsi
Pè a patria sacrificati

Chì ne penserà Sampieru
De Paoli o Sambucucciu
Videndu chì lu s’imperu
Hè miniciatu à di per tuttu ?
A ruvina hè generale
E smarisce fondu è fruttu

Un ci hè più Corsi di sanna
Un ci hè chè scarti di natura
Di la so povera mamma
Soca ùn anu più primura
Ma la vergogna hè per elli
S’ella more di malcura

Facciu un ardente preghera
E la mandu à Santa Stella
S’ellu ci fussi manera
Chì per avà s’hè zitella
D’allungà un pocu la vita
A la nostra cursichella

Quì finiscu u mio lamentu
Chì troppu male mi face
Mi scappa guasi lu pientu
Ne soffru è po mi dispiace
Chè tù campi o Cursichella
Incu u riscantu in pace.
Chè tù campi o Cursichella
Incu u riscantu in pace.