Parulle e accordi di Canta u Populu Corsu

Album:Canti di a terra è di l'omi
Canzona per Stella
( Parolle è Musica di ghjuvanpaulu Poletti )
Capo 1
Hè spuntatu u primu fiore
Vicinu à lu pasturellu
Cusì cantava l'acellu
In lu chjosu di l'amore
Vicinu à lu pasturellu
Hè spuntatu u primu fiore.
In lu chjossu di l'amore
Si hè calata una stella
Cù a musica più bella
U ventulellu chì corre
Si hè calata una stella
In lu chjossu di l'amore.
U ventulellu chì corre
Ùn pianta mai una stonda
È face pienghje le fronde
In un amaru dulore
Ùn pianta mai una stonda
U ventulellu chì corre.
MiMaj - LAMaj - MiMaj - Si7 - MiMaj

Album:Canta di a terra è di l'omi
A merula
( Tradiziunale )
Mi vurria manghjà
I pedi d'issa merula
A merula chjurlughjù
A pizzighizetta
A codirussetta
A cinciminetta
Luchjurlughjù
Mi vurria manghjà
E ghjamba d'issa merula
Ghjamba à ghjà
Pede à pè
Unghja à ù
A merula chjurlughjù.
Mi vurria manghjà
E cosce d'issa merula
Coscia à cò
Ghjamba à ghjà
Pede à pè
Unghja à ù.
Mi vurria manghjà
U corpu d'issa merula
Corpu à cò
Coscia à cò
Ghjamba à ghjà
Pede à pè
Unghja à ù.
Mi vurria manghjà
U pettu d'issa merula
Pettu à pè
Corpu à cò
Coscia à cò
Ghjamba à ghjà
Pede à pè
Unghja à ù.
Mi vurria manghjà
U collu d'issa merula
Collu à cò
Pettu à pè
Corpu à cò
Coscia à cò
Ghjamba à ghjà
Pede à pè
Unghja à ù.
Mi vurria manghjà
U cappu d'issa merula
Cappu à cà
Collu à cò
Pettu à pè
Corpu à cò
Coscia à cò
Ghjamba à ghjà
Pede à pè
Unghja à ù......
Mi vurria manghjà
U piccu d'issa merula
Piccu à pì
Cappu à cà
Collu à cò
Pettu à pè
Corpu à cò
Coscia à cò
Ghjamba à ghjà
Pede à pè
Unghja à ù
A merula chjurluchjù
A pizzighizetta
A codirussetta
A cinciminetta
Luchjurlughjù.
Amin×2 - E7 - Amin - G7 - CMaj - Dmin - Amin - E7 - Amin

Album: Canti di a terra è di l'omi
A la fiera di San Francè
( Tradiziunale )
Capo 2
À la Fiera di San Francè
M'aghju cumpratu una sumera,
Ih ! anh ! una sumera !
Veni cun mè, veni cun mè,
À la Fiera di San Francè,
Veni cun mè, veni cun mè,
À la Fiera di San Francè.
À la fiera di San Francè
M'aghju cumpratu un viulinu
Zi zon ! un viulinu !
Ih ! anh ! una sumera !
Veni cun mè, veni cun mè,
À la Fiera di San Francè,
Veni cun mè, veni cun mè,
À la Fiera di San Francè.
À la Fiera di San Francè
M'aghju cumpratu una pistola
Pin ! pan ! una pistola !
Zi zon ! un viulinu !
Ih ! anh ! una sumera !
Veni cun mè, veni cun mè,
À la Fiera di San Francè,
Veni cun mè, veni cun mè,
À la Fiera di San Francè.
À la Fiera di San Francè
M'aghju cumpratu una mulaccia,
Prr ! prr ! una mulaccia !
Pin ! pan ! una pistola !
Zi zon ! un viulinu !
Ih ! anh ! una sumera !
Sol×3 - Ré×4 - Do - Sol - Ré - Sol - Do - Sol - Ré - Sol

Album:Canti di a terra è di l'omi
Bruscu
( Parolle è musica di Marcu Casanova )
Bruscu l'avia chjamatu
Un cane turcatu è neru
Per la caccia rinnumatu
Cunnisciutu in lu terzeru
Causa di la so morte
Perch'ellu era troppu fieru.
Fieru era cum'è un lione
È nun avia paura
Davanti à un battaglione
Li si mettia in pettura
Soca si cridia forte
Ancu più chè la natura.
Una mane di bon'ora
Partimu à fà la battuta
Chì ghjurnata di malora
Ch'ella ùn fussi mai venuta
Ch'ellu avia da more Bruscu
Quale l'averia creduta.
Un cignale pocu ombrosu
Stava nentr'à un sepalaghju
Bruscu troppu curagiosu
Ùn lu muvia à l'abbaghju
Si face entre per cacciallu
Ma surtì cun pocu laziu.
Un solu colpu di sanna
Li tagliò lu core nettu
S'ell'era stata la fiama
D'un cultellu o d'un stilettu
Per favurisce la morte
Ùn facia più bell'effettu.
La morte di u mio cane
Ùn mi piace manc'appena
Ma la vogliu suppurtane
Bench'ella mi facia pena
Chì saria stata peghju
Per quella di Filumena.
Avà seranu cuntenti
Per la macchje li cignali
Ùn temenu li so denti
Nè mancu li mansellari
Ùn li dava basgii dolci
Chì ghjeranu morsi amari.
Le levre di lu Canale
Si ne ponu stà tranquille
Bruscu ùn li face più male
Finite sò le so sguille
S'elle sanu ch'ellu hè mortu Seranu cuntente anch'elle.
O Bruscu riposa in pace
Ch'avà t'aghju vindicatu
Quessa in Corsica si face
Per un amicu fidatu
Quellu chì hà tombu à tè
Di piombu l'aghju stinzatu.
Emin - Amin - Emin - Amin - B7 - Emin - Emin - Amin - Emin
Amin - B7 - Emin - B7 - Emin - B7 - Emin

Album:Canti di a terra è di l'omi
I mulatteri d'ulmetu
( Parolle di petru paulu Peretti/Musica Tradiziunale )
Capo 2
Si senti chjuccà la frusta
È batta li sunaglieri
Rientrinu da furesta
Muli rossi bianchi è neri
Sò Sicondi è Ghjuvanbattista
D'Ulmetu li mulatteri.
La prima fala Falchetta
Soca la mula di guida
Appressu veni Culombu
Siguitatu da Pulina,
Rusetta, Corsa cun Bimba,
È pò Zeffiru incù Ninna.
Falchetta si poni in piazza
Tempu arrivata in furesta
Insumata à l'istanti
Èppo ripidda la testa,
Aspittendu li cumpagni
Sì qualchid'unu s'arresta.
Insummati ch'eddi sò tutti
Ricumencianu à chjuccani
E' cusì una par una
Sà ciò chì l'aresta à fani
Chì sott'à duie ore di soma
In marina hà da falani.
È li bravi mulatteri
Ni ripartinu à l'affretta
Sena mancu troppu tempu
D'accenda la sigaretta
Parchì ci hè lu scarrichinu
In marina chì l'aspetta.
Ma sempri strada facendu
Si sentinu li canzoni
Cunfusi par quiddi boschi
Cù tintenne è tintinnoni
È l'ochja sempri à li sacchi
Ch'eddu ùn si perdi carbonu.
Ghjuvanbattista per istrada
Surveglia sempri li muli
Sè li so somi sò pari
S'eddi sò strinti li funi
Sicondi da lu so cantu
Ni faci anch'eddu altru è tantu.
Passaremu per Maratu
È la bocca di Cilaccia
Ma rientrendu in Ulmetu
Emu da fistà l'arrivata
Muli quantu è mulatteri
L'emu troppu disbitata.
Ùn si parla più di ghjorni
Sò cinque mesi ad avali
Ma prestu sè Diu voli
Si spera di terminani
È lu ricordu di tutti
Sempri si cunsirverani.
À vedaci o cari amichi
Cantanu li mulatteri
Chì malgratu la fatica
Partimu mal vulintieri
Parchì seti brava ghjenti
Corsi fidi è po sinceri.
Mimin - (Lamin×2 - Mimin×3)×2 - (Si7×2 - Mimin×3)×2 - Mimin×2 - Lamin×2 - Mimin×3 - Si7×2 - Mimin×5

Album:Canti di a terra è di l'omi
L'alta strada
( Parolle è Musica di ghjuvanpaulu Poletti )
Capo 2
La mio culomba messaghjera
Chì parte per longu viaghju
Traversa la Corsica intera
Cù lu zitellu è lu capraghju.
Salutami l'Omu di Cagna
È l'Ospedale cun Bavella
Di lu Cuscionu la muntagna
Incù l'Alcudina per stella.
Stende lu volu maestosu
Calà u to sguardu in pianu d'Ese
Ci sò li Pozzi è lu Renosu
Ti faranu cullane appese.
Franca l'Oriente è Monte d'Oru
Da Manganellu à la Maniccia
Cù li lavi di lu Ritondu
Guardà lu Cardu è Lattiniccia.
Acqua Ciarnente è Camputile
Da Ninu à Verghju per la furesta
Hè bella la neve d'aprile
Quandu u sole si mette in festa.
O Paglia Orba luminosa
Regina bianca incurunata
Damicella cusì pumposa
Di lu Cintu s'hè innamurata.
Cantanu inseme cun amore
Cù l'altre cime di lu circondu
U silenziu fattu rimore
Per la bellezza di lu mio mondu.
Sol×2 - Do7 - Sol×4 - Ré - Do - Ré7 - Sol×2

Album:Canti di a terra è di l'omi
Piscaia
( Tradiziunale )
Sunatu hè lu primu toccu
Lu terzu cù lu secondu
Ma nun lu ci vecu
Lu me frisgiatu culombu
Forse si sarà ascosu
Sott'à le fronde di l'olmu.
Quale si pruminarà
In piazza à la nostra ghjesgia
Cù la so canna à la manu
È la so sigara accesa
Chì la soia la trinnata
In paese era difesa.
A dumenica da mane
À u son di a campanella
Falanu le giuvanotte
Sottu la sacra cappella
Ma ùn la ci vecu in locu
O la mio talla nuvella.
O Piscà lu nostr'amore
Oghje s'hè firmatu in piantu
Dicenu ch'o ùn pienga piune
Aghju lu me core frantu
D'avemmine da scurdà
D'unu ch'o l'amava tantu.
Fa×2 - Do7/Sib - Fa - Do7 - Fa

Album:Canti di a terra è di l'omi
Zighizon
( Tradiziunale )
Capo 2
À la funtana ci sò le zitelle
È la più bella mi vogliu abbraccià.
Bellu zi, bellu zighizon
Bellu zighizon, mio bella,
Bellu zi, bellu zighizon,
Bellu zighizon, mia amore.
Falla per unu, per duie, per trè,
Veni sta sera per ballà cun mè.
Bellu zi, bellu zighizon
Bellu zighizon, mio bella,
Bellu zi, bellu zighizon,
Bellu zighizon, mia amore.
Falla per sei, per sette, per ottu,
Fà un fangottu per scappà cun mè.
Bellu zi, bellu zighizon
Bellu zighizon, mio bella,
Bellu zi, bellu zighizon,
Bellu zighizon, mia amore.
À la funtana, c'hè natu un discorsu,
U mese d'aostu si n'hà da parlà.
Bellu zi, bellu zighizon
Bellu zighizon, mio bella,
Bellu zi, bellu zighizon,
Bellu zighizon, mia amore.
O rusignolu chì stai vulendu
Sempre cantendu lu to prim'amore.
Sol - Ré7

à ringrazziati !!

Un ghjè nunda, issu situ m'hà assai aiutatu pè a ghitarra allora avà chì sò ghjuntu a un bon levellu voghju aiuta l'altri cuntineghju cù l'album chjamu a puesia eppò n'aghju altri dopu eccu.
Album:Chjamu a puesia
Mal'cunciliu
( Parolle e Musica di GhjuvanPaulu Poletti )
Tù si l'alburu di lume
è ne veni da luntanu
Tù si lu tonu e lu fiume
è Lesia chi canta pianu
Tù si l'errante d'amore
Chi camina in la muntagna
Tù si l'omu chi si more
Quandu fala l'ombra pagna
È quandu a notte ti porta
E voce di Torremorta
È chi u cantu di l'onda
Colla da a terra prufonda.
Tù si l'alburu di sognu
Scurticatu da lu ventu
Tù si anghjulu o demoniu
A carezza o lu spaventu.
Tù si gioia o dulore
Ma cun tè mi meravigliu
Sò natu in lu to furore
Mal cunciliu
1,2,4,5 :
Mm - Si - Mim - La - Do - Si - Sol - Do - Ré - Lam - Mim - Si - Mim (Si)
3 :
Do - Sol - Do - Sol - Do - Sol - Do - Mim - Si

Album:Chjamu a puesia
U vagabondu
( Parolle e Musica di GhjuvanPaulu Poletti )
Una fata peregrina s'hè calata in lu mio core
Ella guida la mio strada con furtuna è cun amore
Corre corre all'infinita u ventu di la mio vita (bis)
Cum'è pane d'ogni ghjornu aghju una sporta di stelle
Per a luna è per u sole scrivu le mio riturnelle
Corre corre all'infinita u ventu di la mio vita (bis)
Quandu d'inguernu la neve mi trova per iss'alte cime
Cercu sempre qualch'agrottu per finisce le mio rime
Corre corre all'infinita u ventu di la mio vita (bis)
Cum'è sposa aghju una musa, cum'è lettu aghju la terra
E le mio sole cunfine sò la muntagna e la serra
Canta canta all'infinita u ventu di la mio vita (bis)
Sol - Ré/Fa# - Mim - Do - Sol - Ré/Fa# - Sol - Do - Ré7
Sol - Ré/Fa# - Mim - Do - Sol - Ré/Fa# - Sol
Do - Ré/Fa# - Sol - Do - Sol - Ré/Fa# - Sol (x2)
Do - Ré/Fa# - Sol - Do - Sol - Ré/Fa# - Sol - Do - Ré
Ré/Fa# veut dire Ré avec la basse fondamentale de Fa# c'est à dire La deuxième case sur la corde de mi grave

Album: Chjamu a puesia
L'odore d'i nostri mesi
( Parolle di ghjacumu Fusina - Musica di GhjuvanPaulu Poletti )
Capo 1
Ottobre sente e castagne
In paese fumicosu
Quand'u celu nebbiacosu
Fala nant'à le muntagne
Pare tutt'avvene chjosu
È finite le cuccagne.
Dicembre sente l'aranciu
Chì fiurisce per'sse piaghje
Ma quandi lu ventu traghje
Piglia inguernu lu sbilanciu
Tempu d'acque è di nivaghje
Affanosu è pocu danciu.
Maghju sente la ghjinestra
Chì sbuccia per lu pughjale
Inzeppisce fiuminale
Verdiceghja la campestra
L'acelli sparghjenu l'ale
Si spalanca la finestra.
Aostu sente a filetta
Calpighjata a merendella
A notte s'empie di stelle
Di dulcezza benedetta
In core di le zitelle
C'hè un fiore chì l'aspetta.
Chì senteranu li mesi
Di la prussima stagione
Duve piantera viaghjone
Cù le so sperenze appese
È basteranu e canzone
Per guarì tutte l'offese ?
Mi×2 - La - Mi - La - Mi - Si - La - Mi/Si7 - Mi - La - Mi/Si7 - Mi - La - Mi

Album: Chjamu a puesia
L'ancura di a misericordia
( Parolle e Musica di GhjuvanPaulu Poletti )
Capo 2
Messageru di a storia
Quand'è tù ghjunghji in sagone
Dà un'occhjata à l'orizonte
È ascolta lu marone
Senterai qualchì voce
Di stu fattu testimone.
Eranu tant'omi fieri
Tutti di ceppu lucale
Nant'à un battellu sbrancatu
In pettu à lu tempurale
Sott'à un celu spaventosu
Cum'è le porte murtale.
Si stracciava ogni vela
Un ventu forte stridava
Più l'omi tenianu morsu
Più l'onda si scatenava
È à l'unu è l'altru latu
A morte già s'affiancava.
Cum'è una bestia ferita
È senza speranza alcuna
Strinti in un ultimu fiatu
L'omi sciolsenu la funa
À quale ci era anudata
Cù l'ancura di furtuna.
Ad ùn trattu u bastimentu
Cum'è un cavallu dumatu
Fù scacciatu da l'infernu
U tempu s'era fermatu
L'omi casconu in preghera
Fin' chì u mare fù calmatu.
Quandu u celu fù serenu
Ognunu purtava in gloria
L'ogettu di a so salvezza
Chjamatu misericordia
Fù lasciatu sopr'à locu
È stampatu in la memoria.
Ma in fondu di lu mare
Oghje ch'hè oghje in Sagone
A rena hè più chè nuda
Un furesteru latrone
S'hà coltu senza vergogna
Quella ancura testimone.
Avà corsu stami à sente
Sta canzone ùn hè finita
Fatti onore à ripiglià
Un pezzu di a to vita
È lampa fora stu latru
À la manu troppu ardita
È lampa fora stu latru
À la manu troppu ardita.
(Do - Lamin/Sol7 - Do)×2 - Rémin - Sol7 - Do
(Rémin - Sol - Lamin×2)×2 - Do - Sol7/Fa - Sol7 - Fa/Sol7

Album: Chjamu a puesia
Amicu ci si tu
( Parolle di Ghjacumu Fusina - Musica GhjuvanPaulu Poletti )
Capo 3
Amicu, ci sì tù chì ci porghj i la manu
Quandi u ventu gira ind'u celu isulanu
Quandi u sensu spira ind'u cerbellu umanu
Amicu,ci sì tù
Amicu, ci sì tù chì ci porti penseru
Quandi u morsu stringhje di ferru furesteru
Quandi l'ochju dinnera da lu vechju addisperu
Amicu,ci sì tù
Amicu, ci sì tù chì copri lu dulore
Quandi a brusta ghjala u focu di l'amore
Quandu a fede cala in core traditore
Amicu,ci sì tù
Amicu, ci sì tù chì ci apri le porte
Quandi l'idea move nant'à le strade torte
Quand'ellu sbuccia un fiore cum'è sognu di morte
Amicu,ci sì tù
Amicu, ci sì tù chì ci dai sperenza
Quandi a vita cagna ci tomba fratellenza
Quandi a terra cara si sfuma in la partenza
Amicu,ci sì tù
Amicu, ci sì tù chì ghjetti lu mandile
Quandi u tempu vene d'ùn esse più ghjentile
Quand'elle vene l'ora d'ùn esse più civile
Amicu, ci sì tù
Amicu, ci sì tù
Lamin / Mimin7 / LAmin
Lamin / DoMaj / Rémin7 / Mimin
Mimin / Rémin7 / Sol7 / DoMaj
DoMaj / SolMaj / FaMaj / MiMaj