Uriginariu di San Damianu in Castagniccia, Ghjuvan Camellu canta d’un naturale sputicu. Figliolu d’Iviu Pasquali, cresce in l’ambiu tradiziunale di u gruppu Madricale. In 2025, caccia u so primu dischettu : Di stintu è di core. Canzone chì toccanu l’esse d’omi è di donne corse fatte di parulle vere è sputiche di tematiche oghjinche. Storia, amore, fatti di sucetà, ricordi paisani, tristezza, gioia è dulcezza, realità isulana : eccu ciò chì si trova in ‘sse meludie chì vi portanu in lu celente isulanu d’una Corsica ch’ùn si vole more campendu di radiche prufonde, per mantene u pocu chì ci ferma.
