Eiu avia una ghjallina
DO
Chì facia ogni matina
DO
Un bellu ovu
SOL
Avà sò quindeci ghjorni
SOL / FA / SOL
Ch’eo la cercu in sti cuntorni
SOL / FA / SOL
È chì ùn la trovu
SOL / DO

DO / FA / SOL / DO / SOL / DO

Eiu ci pensu mane è sera
À la mio ghjallina bianca
Capinera
Chì venia à manghjà in manu
Granone, orzu è granu
È risella

Sò falatu in pullinaghju
È ne aghju custattatu
Custattatu
Chì lu ghjallu più nun manghja
Da quantu ch’ellu si lagna
Addisperatu

Sì la volpa hè l’assassina
Di sta povera ghjallina
Ch’ella morga
Ch’ella vaca à malafine
Cun tuttu lu so razzinu
In una borga

S'ella hè stata a billulaccia
Chì li hà suchjatu lu sangue
Ch’ella crepi
Ch’ella sbattuleghji l’anca
À u pede d’una ficaccia
Senza preti

S’ellu hè statu u falchettu
Chì un colpu di scuppettu
Lu sfracelli
Ch’ellu vaca à malafine
U nemicu di e ghjalline
È di l’ocelli

Sì per una scurpacciata
Capinera fù arrubata
Fia prò
Chì per fà un bon’ prudettu
À u malatu benedettu
Chì a manghjò

In tantu chì a mio ghjallina
Mi facia ogni matina
Un bellu ovu
Avà sò quindeci ghjorni
Ch’eo la cercu in sti cuntorni
È chì ùn la trovu