U lamentu di Cursichella
Modu largu
Mette in quaternu
Dighjà in quaternu
Tunalità
0
Capo 0
Cursichella sfurtunata
Em G
Mamma di tanti figlioli
Em G
Sarai prestu abbandunata
Am Em
Sì qualchì rimediu ùn trovi
B7 Em
Per tene vicinu à tè
Am Em
I to frutti vechji è novi
B7 Em
Tutti i to figliulacci
Partenu à circà furtuna
Ùn ai più conti à facci
Nemmenu speranza alcuna
Almenu ch'è t’ùn t’adopre
Di a pastoghja o di a funa
Si ne vanu à lu strangeru
Cum’è veri spatriati
Di tè ùn anu più penseru
Nè induve elli sò nati
Quelli valorosi Corsi
Pè a patria sacrificati
Chì ne penserà Sampieru
De Paoli o Sambucucciu
Videndu chì lu s’imperu
Hè minacciatu à di per tuttu ?
A ruvina hè generale
È smarisce fondu è fruttu
Ùn ci hè più Corsi di sanna
Ùn ci hè chè scarti di natura
Di la so povera mamma
Soca ùn anu più primura
Ma la vergogna hè per elli
S’ella more di malcura
Facciu un ardente preghera
È la mandu à Santa Stella
S’ellu ci fussi manera
Chì per avà s’hè zitella
D’allungà un pocu la vita
À la nostra cursichella
Quì finiscu u mio lamentu
Chì troppu male mi face
Mi scappa guasi lu pientu
Ne soffru è po mi dispiace
Ch'è tù campi o Cursichella
Incù u riscantu in pace.
Ch'è tù campi o Cursichella
Incù u riscantu in pace.
Pampasgiolu
a ringrazià assai a Titò per avè publicatu sta canzona ch’ò sciaccheraghju nantu a u foru ch’ammaestru .
mi seria primuratu di sapè in chi annata hè stata fatta .
Elle est en Capo 3 chanson