O quantu vuleria scrive chì a mio storia hè di pace
Mim     Ré              Mim        Ré                     Mim
Chì l’albori ch’aghju vistu si sò pisati sereni
          Ré                 Mim          Ré           Mim
Ma à empie a mio mente sò centu mila e strage
         Ré                Mim         Ré              Sol
È di fiure sanguinose i mio ricordi sò pieni
       Ré              Mim            Ré           Mim

Aghju vistu tantu volte u mio mondu piccià focu
Mim     Ré              Mim           Ré                   Mim
Per una croce, un spechju o per un palmu di terra
             Ré           Mim                 Ré           Mim
Per una fede, un’idea, per u pusessu d’un locu
         Ré             Mim           Ré                  Sol
l’omi move e battaglie, l’omi dà si à a guerra
       Ré            Mim            Ré           Mim

Eiu sò l’isula sola
      Si7           Mim
Locu di tanti sicreti
   Si7               Mim
un’isulella di fola
   Ré              Mim
Musa di tanti pueti
   Ré              Mim
Sò un’isula sulella
   Ré              Mim
Mi chjamanu a più bella
        Ré              Sim  Mim

Aghju vistu à l’orisonte ghjunghje tanti battilloni
È i sullati à millaie calpighjà e mio marine
Aghju in core e vinice di ‘ssi tempi bughjiconi
È piengu à fiumi pieni e mio pene senza fine

Da sempre sò stata eiu l’ogettu di ogni inviglia
Quella chì omu vulia cumprà, vende o cunquistà
Quella stella ch’in lu celu di più cà l’altre spampiglia
E ch’ognunu vuleria di e so mani tuccà

Eiu sò l’isula sola
Locu di tanti sicreti
un’isulella di fola
Musa di tanti pueti
Sò un’isula sulella
Mi chjamanu a più bella

Ma vogliu sperà è crede in un dumane sfarente
Sunnià di l’ore à vene cum’è di tant’alegrie
Vede e so albe chjare è di pace splendurente
Pisà si à l’infinita cum’è in le puesie

È vogliu dì à i mei, à i mio figlioli cari
In un cantu di sperenza, in un’ardente prighera
Di francà mi à l’oramai di tanti ricordi amari
È di tene caru à mè di più cà a mio bandera

Eiu sò l’isula sola
Locu di tanti sicreti
un’isulella di fola
Musa di tanti pueti
Sò un’isula sulella
Mi chjamanu a più bella