Tante vette aghju intricciatu
Per mille coppie d’acelli,
È i so nidi aghju curatu
Per gode d’i so sturnelli
Cun tè chì mi teni cara
Voli ch’eiu mi mostri avara

Mim                                                                                  
Machja corsa inveranita
Si7 / Mim
Carc’à mazzuli muscanti
Sol / Ré
Conta, conta o preferita
Do / Mim
Ch’eiu possa ripete in canti
Do / Sol
Sai chì, cum’è u mare è u ventu
Si7 / Mim
Capiscu lu to lamentu

È la machja tutta in fiore
Cun alitu prufumatu
Trà la gioia è lu dulore
Cum’un dolce sirinatu
À stu core chì mi trema
Mi cunfidò stu puema

Veni quì pueta caru
Frà ste più belle rambelle
Mì, un lettu di murze paru
À st’albitru in campanelle
Posa. Tè !  T’ adumbreraghju
Cù stu muchju rusulaghju

Sò ghjunte duie pernice
Caccianendu da l’amore
Dicendu i nostri nemici
A volpe è u cacciadore
Ci danu riposu infidu
Facci, o machja, u nostru nidu

Ma dinò, o chì sfurtuna
In tristu preparativu
Hè ghjuntu à u chjaru di luna
Un esseracciu nucivu
Cù la micidiaghja fiara
Per brusgiammi à rughja para

O le mio muscante gemme
Li mio tanti è più culori
È voi quantu mi preme
O canzone, aliti, amori
Chì sarà a nostra risorsa
Fiati di la machja corsa

Tù pueta chì mi senti
Chì mi capisci è mi lodi
Piegni, canta i mio lamenti
Nanzu chì a manu s’approdi
Prova à tuccà u core in pettu
À quellu ch’ùn m’hà rispettu