Sunemu.net / Artistes / Tradiziunale / Canzone / A dumanda in matrimoniu  

A dumanda in matrimoniu

A dumanda in matrimoniu

          Fa  
Ùn sò più quandu ella hè stata
       Fa
Seranu dui ò trè mesi
          Fa7    Sib       Fa
Cù la mio musetta à collu
              Do7  Fa    Fa7
Nè pigliai li paesi
                      Sib    Fa
Cù a scusa di circà moglia
                         Do7    Fa
Senza avenne mancu voglia.

Mi colsi à lu mio summeracciu
Cù una ghjacchittaccia à collu
Un paghju di scarpacci in pede
In istaccia mancu un soldu
Cù u mio cappellacciu in capu
Tuttu rottu è affumicatu.

Quandu ne ghjunsi in Bravone
M’aressi per sente un pocu
Venni per fà cullazione
Pane ùn cù n’era in locu
S’ella dura à issa manera
Cresce cullaghja è spallera.

Ma dopu una stundarella
Chì in pazienza aspettava
M’affaccò una damicella
Caminendu ella purtava
Una paneruccia rotta
Ch’un paniolu chì affaccava.

Scusate o madamicella
Chì purtate in issa panera ?
À purtalla piatta ùn vale
Scumbattu cun mammapiera,
Sia puru pane orzinu
Acqua pura è micca vinu !

State à sente, o damicella
Ch’io v’indetti u mio casale
Vo vulete fà un capricciu
Cun mè ùn ci starete male
Aghju à fratellucci è à mamma
Di pane sò sempre in brama.

Aghju un bel pezzu d’olive
Bell’è dui muzziconi
Chì cuntrastanne ne possu,
In Balagna cù Ciattoni,
Ma a sera quand’eo mi chjingu
Marchju sempre à l’appasponi.

Aghju un pezzu di castagni
Ma sò tutti sgambunati
Chì pè a maladetta sorte
U ventu li m’hà struppiatu
La vi dicu è ùn mì vergognu
Di grata ùn aghju bisognu.

Aghju ancu la mio vignuccia
Ma in Iocu desertu
Quandu ella hè à maturazione
La difendu à campu apertu
Ma quandu n’aghju la sete
Per lu piu corgu à lu quartu.

M’aghju fattu una casuccia
Chì di scandule hè fasciata
Hè cuperta in terra rossa
L’aghju bella calpichjata
Perchè aghju l’intenzione
D’ùn stà più casa à pigione.

Ne pussedu una madia
À l’usu di le famiglie
Una panca per pusane
Un rotulu è trè buttiglie
Dunque la mio casa hè piena
Ùn ci manca ch’è a catena.

Position du capodastre : 0

Créé par pf.ucciani,
le 02 Jan 2021

Note : Note des accords de
A dumanda in matrimoniu (0 votes)


Nombre de clics : 5



© 2004-2021 SUNEMU.NET - Flux RSS