Isula idea di la mio alba
Lam   Mim Fa7 Lam Mim Lam
Rosula altea è la vitalba
Do       Sol  Fa7  Do     Mi4/Mi
Fiore chì sbuccia è chì ci chjama
Lam       Sol         Sol7  Do
Fiore chì s’apre è dà la brama
Do7       Fa         Rém Sidim Mi4/Mi
Isula
Lam Mim Lam

Isula radica di a mio vita
Rispiru d’una acqua salita
Basgiu lampatu da i zitelli
Basgiu cascatu da i battelli
Isula

Isula idea di u viaghju
Di l’odissea ch’eo feraghju
Mandile spartu di li mio sogni
Mandile crosciu ùn ti vergogni
Isula

Isula celu tintu di sole
Ancu quandi un nulu dole
Chì a frasca s’alza è ci balla
Cum’è un penseru di farfalla
Isula

Isula idea di li mio strazii
A voglia mea, mai ch’è tù sazii
Ochju abbagliulatu da u sole
Ochju calatu di ogni amore
Isula

Isula fata è mai morta
Cuscogliula chì u ventu porta
À u locu ascosu di u core
Duve u ricordu ùn pò mai more
Isula