Sempre quassu pè’ssa punta
Ré
Cavalchendu à Culomba
Do/Sol/Ré
Quandu l’alba chjara spunta
Ré
Eu mi fermu una stonda
Do/Sol/Ré
Per scopre à Moriani
Ré/Do
L’Orezza è l’Alisgiani
Do/Sol/Do/Sol-Ré

In stu fieru paradisu
Di scogliu è di virdura
In stu mondu indecisu
Chì ci hà datu a natura
Vecu in fondu di a burgata
A nostra piaghja malata

Quallà a punta Trè Pieve
Supraneghja u lucale
Duve ci tene a neve
Passatu u tempurale
Face cresce e surgente
Chì ci cotranu i denti

Ci hè ancu monte Castellu
Incu la so pretenzione
Face scarze u so fratellu
U scogliu di Felicione
A rasa bella pilata
Da tante ch’ella hè brusgiata

L’avete induvinata
Ghjè a Punta di l’Olmelli
Dopu a sta longa cullata
Sò stanchi ancu l’acelli
Ma chì cura a muntagna
Induve ci vole l’altagna

O la mio muntagna cara
Si piena di puesia
A ti aria pura è chjara
Guarisce ogni maladia
Si bella cum’è e stelle
Chì campi vicina à elle.