lam/sol/lam
U sol’ardente strughje quassù
lam/do/sol
U nivaghjon’incuzzatu
sol/rem/lam
Fend’un fiume chì, corre liberu
do/sol/lam
Slanciu fermu, mai dumatu

Stu sol’in pettu l’emu dinù
Schjarisce ogni bughjura
Ci reghje cum’un lume divinu
Sguassendu ogni paura

À bracciu tesu, man’aperta
Quant’hè cald’u core umanu
Fighjulem’avà quella verità
Senz’uchjera capu sanu

Finchè l’umanu fam’averà mim
Scuraghjinati seremu mim/do/re/mim
Finchè catena omu averà mim
Liberi mai ùn seremu  mim/do/re/mim

Ognunu deve scappiassi
Inseme fem’a livata
Di più chè cusì fem’allargassi
A via di l’umanità

Sott’à duminiu omu ma’più
Sciappemu tutt’e catene
Addunimuci è cun curaggiu
Custruim’u nostr’avvene

Finchè l’umanu fam’averà
Scuraghjinati seremu
Finchè catena omu averà
Liberi mai ùn seremu

U sol’ardente strughje quassù
U nivaghjon’incuzzatu
Fend’un fiume chì, corre liberu
Slanciu fermu, mai dumatu