À tè sò l’ochji di l’alba è la prima riturnella
Do     Fa           Lam Do     Fa/Sol/Do
Chì t’accende core in pettu nantu à a strada la più bella
Do              Fa             Lam Do   Fa     Lam   Sol
Quandu s’atteppa lu passu trà ghjinèparu è murzella
Fa             Sol     Lam/Sol/Fa Do      Fa/Sol/Do
Trà ghjinepparu è murzella
Do  Fa/Sol/Do

À tè sò li verdi chjassi, l’onde chjare di e puzzine
In gioia sò ghjàllicu è bassu, e taccule canterine
Chì vanu à cercà l’eternu sin’a le bianche cunfine

Quì si riposa lu ghjornu à l’ombra di qualchi fiore
A piverella è mintrastu hà furatu tant’odore
Per andà à truvà la notte è dumandalli l’amore

Quì sò li venti scherzosi chì pettinanu le cime
Di nebbia arriciulita ind’un stranu fischjulime
Quandi a furesta si veste per e stonde di vaghjime

Avà sò le neve ardente, a to richezza infinita
Falata da l’alte sponde cume fata insunnulita
À quale tù dai l’anellu per imbellisce la to vita