RE/LA
Aghju in core cum'è una casuccia
SOL/RE
Quandu l'ora ti ci purtarà
RE/LA
Ci aghju si cum'è una lumeruccia
SOL/RE
È s'è nimu ti po cunsulà
SOL/RE
Aghju in core una carezza in più
LA/RE
Pè i ghjorni ch'è tù pienghji tù

Aghju in core nantu à l'altru latu
U curaggiu chi mi mancarà
U to nome chi ci s'hè calatu
D'altri sogni pè ricumincià
Aghju in core una sperenza in più
Pè i passi chè tù carchi tù

Aghju in core cum'è un paisucciu
S'è tu voli puderemu andà
Nantu à l'onde cum'è un battellucciu
S'è tu credi d'ùn pudecci stà
Aghju in core una canzona in più
Pè quand'è tu ghjunghjerai tù

So sicuru ch'ellu ùn basterà
Pè l'amore ch'è tu mi voli dà
So sicuru ch'ellu ùn basterà
Pè l'amore ch'è tu mi voli dà
Aghju in core una canzona in più
Pè quand'è tù ghjunghjerai tù

Aghju in core d'altri lindumani
È'ssa voce chi m'aiuta à di
A memoria di i paisani
Cum'è un libru chi ghjè scrittu qui
Aghju in core una risposta in più
Pè i ghjorni chè tù ùn poi tù

RE/SOL
È'ssu cantu chi ùn ne po fini
LA/RE
Pè l'amore ch'è tu mi voli di

È'ssu cantu chi ùn ne po fini
Pè l'amore ch'è tu mi voli di