SOL#m                     DO#m
Per rompe a santa pace
DO#m               SOL#m              
Di a notte di Natale,
SOL#m              RE#7
Dicembre avia sceltu
RE#7                      SOL#m
À prima ora vesperale
DO#m                       SOL#m
Di fà move à l'ispensata
RE#7                     SOL#m
Un funestu timpurale.

Fraiu di tanu è timpesta
Ne sufria la cuntrata
Nu la piana à Cumineddu
Da la neve accampata
C' era una banda di capre
A la morte cundannata

A spicciera u pastore
Corse ver di l'alta serra
Da le borghe risunava
U rughju di a fiumara
Quandu chjama lu destinu
Ùn c'hè forza chi u para.

U duvere per la manu
U s'hà presu, l'hà purtatu
Fin'à la so bandarella,
Mezu à ella hè cascatu
Prima di francà la verga
A u puntu slgnalatu.

U pastore si murria
À l'eternu si n'andava
A banda di e so capre
In chjerchju lu ricaldava
In la notte negra è bianca
A parca s'incaminava

Mezu à le so caprarelle
Si n 'hè mortu un gran pastore
S'hè spentu quandu nascia
U Bambinu redentore
Ci aghju vistu cume un celu
D'une manu superiore

Ci aghju vistu cume un celu
D'une manu superiore