Ùn lu vidarei più u capu à a falcunaghja
LA min / MI 7 / LA min / MI min / LA min / MI 7 / LA min / LA 7
I culombi chì d'aprile volanu sempre per paghju.
RE min / SOL / DO / MI min / LA min / MI 7 / LA min / MI min / LA min

Ùn farei più sunate à u sole di e murnaghje
Ne puru ti sintaremu impruvisà nant'à l'aghja.

D'ottobre in campu furnellu quandu sarà la stagione
E giuvanotte à cugliera aspitteranu e to canzone.

Piengu di sapè chì di marzu quandi u sole hè più vivu
Ùn sarei più cù noi sott'à i rutoni d'alive.

Quandu pensu à li to ochji u mio ciarbellu si move
E piengu li mio suspiri mentre corre l'oliu novu.

M'avii tantu prumessu d'esse sempre à lu mio latu
Ma quandu ùn t'aghju vistu ghjunghje, si n'hè struttu lu mio fiatu.

Megliu ch'ùn ci pensi più chì a mio memoria scrochja
Morgu pianu di sapè chè t'hai sceltu d'altri ochji.

Oghje dapoi tanti anni ormai a to strada hè meia
Di scopre tante billezze da e cime di San Parteu.