Mi > Do Ré Mi
U celu rossu à marina
Do Ré Sol
luci tali un focu ardenti
Lam Mim
schiarisci quista cunfina
Sim Mim
di culori rutilenti
Do Ré Sol
Li pari chì s'hè finita
Sim Mim
Cù issa ghjurnata ogni vita

Vecu li me amicacci
Addurminati in sti prati
Eu ùn possu dorma in paci
Pensu à li ghjorni passati
Po ancu li ghjorni à vena
Ci ferma trè mesi à tena

Sol Ré
O la me cara francesca
Lam Mim
S'è tù vidissi a purezza
Sol Ré
Di u rossu in l'aria fresca
Lam Mim
cù issu verdi chì biddeza
Do Ré Sol
Pari una vechja pittura
Sim Mim
di a più bedda fattura

Ma ùn si movi la ghjenti
Nimu mi voli risponda
Si so pisati li venti
Faci una bedda stonda
Ma di l’amichi ùn si senti
Terza, bassu è siconda

O diù parini foli
Li me ghjambi so spariti
In stu locu semi soli
È ùn stemi manc’arritti
Forsi voi…seti morti ??
Dui ghjorni chì steti zitti

Pigliu u stilettu di manu
Da caccià mi sta vitaccia
Ùn cregu più in l’umani
Anc’a me fedi si straccia
Com’è una vechja bibbia
Fatta cù a cartulaccia

Ùn sentu più ogni bomba
Lu me ciarbeddu chjarisci
Posu annant’à la me tomba
È la me corpu ferma solu
L’anima piglia u so volu