Eiu sò la lingua corsa, ùn voddu micca mora,
Rém/Solm - Rém
Sò la lingua materna di li vosci antinnati
Solm/Rém/La/Rém
Parchì à tempu d'oghji, vulemu tena fora ?
Rém/Solm - Rém
O Corsi, senza mè, sareti sbattizzati !!!
Solm/Rém/La/Rém

M’aveti ghjà spuddatu di li paroli antichi,
Solm/Fa/Solm/Fa
M’aveti infrustiritu è m’aveti ingannatu
Solm/Fa/Solm/La

Di ciò ch’eiu sò stata, ferma pochi vistichi
Rém/Solm - Rém
Parch’aveti vargugna di tena u me parlatu….
Solm/Rém/La/Rém

Eiu sò la lingua Corsa, di li vosci maiori
Rém/Solm - Rém
Chì hè stata aduprata frà i seculi sani
Solm/Rém/La/La
Quidda par dì « o mà », quidda par dì « dulori »
La/Fa/Solm/Rém
Quidda chi hè stata sempri in bucca di l’Anziani
Solm/Rém/La/Rém

Eiu sò la santa lingua chì dopu à u culombu
Ni chjamaia à l’aiutu par salvà u paesi
Sò quidda chì chiria a polvara è u piombu
Pà stirpà Sarraccini, Grechi o Genuvesi ...

Sò a lingua di quelli chì oghje sò spariti
Chì ghjacenu in sta terra di dolu è di pientu
E voi, i so figlioli, firmati russuriti
S’é in giru à voi, in corsu, vi si canta u lamentu !

Sò la lingua materna di le vostre mammone
Chi cuntavanu fole in giru à lu fucone
Chì cantavanu gioie, chì cuntavanu affanni
In l’unicu parlà di tuttu lu rughjone ...

Sò quella chì, luntanu, chjamava u rispettu,
Frà la ghjente amica, é ancu più furestera
Sò quella chì sincera , sbuttava da u pettu
Di dui corsi spersi in un fondu di galera ...

S’é voi perdite à mè, perdite a vostra razza
Un s’ammentarà più, nè ceppu, nè casala
Ne serete in stu mondu una rubbaccia lazza
U Corsu ùn serà più chè lingua tralasciata…

Eiu sò lingua Corsa
Ch’ùn voli micca mora
Sò la lingua materna
Di li vosci antinnati …