E / E7 / B7
Quandi u mare amurosu carezza le to sponde,
D / E / A
È chì l'aria s'infiara à l'imbruni di a terra.
E / E7 / B7
M'incantanu e stagione chì azziganu e to stonde,
D / E / A
È l'ombra di a pace ch'invadisce la sera.

A / E
Cum'è un soffiu di libertà.
E – A / E / B7 / A
Cum'è un soffiu di libertà.

Quandi i venti d'inguernu scappanu à lu meziornu,
Nant'à e spiche mature intrecciate in'onde d'oru.
Vegu ballà una fiara nata in core di ghjornu,
È chì l'ochji di u vechju luce tale un tesoru.
Cum'è un soffiu di libertà.

Quandi u sognu d'oghje si mette in catalettu,
Di tutte e schjavitù di tutte e to ruine.
Sentu cantà una voce in fondu di u mio pettu,
Chì corre à chjamà l'anima da l'elpe à le marine.
Cum'è un soffiu di libertà.

Da le to mosse antiche à l'alba incatenata,
Da u fiore chì spunta à l'usciu di e prigione.
Viaghjà culore di lume a mente rivultata,
Di quellu chì ti cerca è ti scopre Nazione !
Per un soffiu di libertà !